На ютуб-канале палка Каліноўскага апублікаванае відэа, запісанае падчас званка аднаго з палонных сваёй дзяўчыне.
Падчас размовы ў эфіры з'яўляецца і мужчынскі голас. Палонны кажа, што гэта яго сябар, расказвае, што патрапіў у палон і просіць яго схадзіць у ваенкамат ды запатрабаваць, каб яго ўключылі ў спіс на абмен.
І сябар, і дзяўчына не адразу вераць, але палонны гаворыць ім кодавыя праверачныя словы, і яны пераконваюцца, што гэта сапраўды ён. Прадстаўнік палка ўдакладняе, што расійскі салдат знаходзіцца ў палоне ў беларусаў.
«Мы чарговы раз папоўнілі абменны фонд Украіны і спадзяваемся, што гэта паскорыць вяртанне нашых ваяроў з палону», — паведамілі ў падраздзяленні БПЛА імя Мікіты Крыўцова, якое акурат адзначылася ўзяццем палонных.
У канцы чэрвеня мінулага года падчас баёў пад Лісічанскам у палон трапілі два беларускія добраахвотнікі з палка Каліноўскага: Ян Дзюрбейка (пазыўны Тромблі) і Сяргей Дзёгцеў (пазыўны Клешч). Менавіта на іх абмен акурат і спадзяваюцца каліноўцы.
Цяпер чытаюць
На «гульні Мацкевіча» не было Ціханоўскай, Латушкі, Ціханоўскага. Бабарыка і Калеснікава ад’язджалі, але вярнуліся6
На «гульні Мацкевіча» не было Ціханоўскай, Латушкі, Ціханоўскага. Бабарыка і Калеснікава ад’язджалі, але вярнуліся
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары