Намеснік старшыні Рады бяспекі Расіі, экс-прэзідэнт Расіі Дзмітрый Мядзведзеў заявіў, што Украіна «не патрэбная» Расіі, Еўропе, ЗША, Азіі, Афрыцы і Лацінскай Амерыцы, а таксама ўласным грамадзянам, а таму яна «знікне». Пра гэта ён напісаў ва ўкантакце.
Палітык выказаў меркаванне, што ў існаванні суседняй дзяржавы не зацікаўленыя на ўсіх кантынентах, а стаўленне насельніцтва Украіны выяўляецца ў тым, што «з 45 мільёнаў там засталося крыху больш за 20». Былы прэзідэнт мяркуе, што Украінай у 1991 годзе «назвалі кавалачкі Расіі», на якіх жывуць «мільёны нашых суайчыннікаў», у сувязі з чым «нам патрэбна вялікая Расія».
«Такая Украіна не патрэбная нікому на планеце. Менавіта таму яе не будзе», — рэзюмаваў Мядзведзеў.
Пры гэтым у 2010 годзе Мядзведзеў казаў, што Расія і Украіна — вельмі блізкія краіны, узровень стасункаў якіх варта перавесці ў партнёрскія, а таксама заклікаў «рэанімаваць» супрацоўніцтва Масквы і Кіева.
«Каб нанесці максімальную шкоду». Дзмітрый Мядзведзеў заклікаў расіян красці заходні кантэнт
Мядзведзеў гатовы дайсці да межаў Польшчы, каб «знішчыць неанацызм дашчэнту»
Эксперт патлумачыў мэты радыкальных выказванняў Дзмітрыя Мядзведзева
Цяпер чытаюць
Стала вядомае імя другой беларускі, якая згінула пад селем у Непале. Гэта 24‑гадовая Ірына з журфака БДУ5
Стала вядомае імя другой беларускі, якая згінула пад селем у Непале. Гэта 24‑гадовая Ірына з журфака БДУ
Электронную «Беларускую энцыклапедыю», створаную як прастору «верагодных ведаў пра Беларусь», ціха ліквідавалі разам з рэдакцыяй. Купу артыкулаў перадалі Гігіну66
Каментары