На возеры ў Магілёве масава гінуць чайкі, бераг і край вады абсыпаныя пер'ем
На Святым возеры ў Магілёве адзначаецца масавы мор чаек, напісала мясцовае выданне «Магілёў анлайн».
На беразе журналісты пабачылі хворых асобін — яны сядзяць і цяжка дыхаюць, выцягнуўшы ногі наперад. Узляцець птушкі не могуць. Некаторыя ўсё ж збіраюць сілы і спрабуюць «петлямі» дайсці да вады. Бераг і край вады абсыпаныя пер'ем.
Былі заўважаныя асобіны з крывацечнымі язвамі на галаве, на пяску былі кроплі крыві. Некалькі чаек паміралі проста на вачах журналістаў, ім заставалася толькі бездапаможна за гэтым назіраць.
Пакуль невядома, што здарылася з чайкамі на Святым возеры: звязаная гібель птушак з экалогіяй ці птушкі на нешта захварэлі. Але вадаём вельмі брудны: ля берага плаваюць бутэлькі і іншае бытавое смецце.
Чытачка выдання Tochka.by тэлефанавала з гэтай нагоды ў Магілёўскі занальны цэнтр гігіены і эпідэміялогіі, яе там запэўнілі, што сітуацыя высвятляецца:
«Запэўнілі, што птушынага грыпу ў горадзе няма адназначна — за гэтым пастаянна сочыць санслужба. А вось гібеллю дзікіх птушак цяпер займаюцца ветэрынарныя службы. Там ужо высвятляюць прычыны таго, што адбываецца на нашым возеры».
Цяпер чытаюць
На нарадзе ў Лукашэнкі публічна пасварыліся чыноўнікі. Ён не ведаў, каго падтрымаць13
Каментары