Наста Кудасава і Святлана Дземідовіч запрашаюць на прэзентацыю сваёй кнігі ў Варшаве
У панядзелак 24 красавіка ў Варшаве адбудзецца прэзентацыя кнігі «Побач». Падчас сустрэчы з аўтаркамі, Настай Кудасавай і мастачкай Святланай Дземідовіч, можна будзе купіць і падпісаць кніжку, «пагаварыць, абняцца, пабыць побач».
«Кніга «Побач» — гэта ілюстраваны збор вершаў, які распавядае пра адзіноту і надзею, пра пошук сябе і радзімы ў шалёных варунках рэчаіснасці. Нітуючы асабістае і гістарычнае, моўнае і візуальнае, зборнік паказвае шматаблічны свет растрывожанага сучаснасцю чалавека: ад роспачы і зняверанасці да захаплення жыццём. Гэта кніга цяпла і памяці, кніга дарогі і станаўлення. Застацца «побач» на гэтым шляху, значыць захаваць чуласць, не згубіць у полі зроку іншага чалавека, не адвярнуцца адно ад аднаго», — гаворыцца ў анатацыі да кнігі.
Варта зазначыць, што «Побач» — першая кніга, выдадзеная нядаўна створаным беларускім імпрынтам Skarynycy.
У найбліжэйшых планах — «Тэстамент Рагвалода» Алеся Аркуша, «Стеклянная девочка» Ганны Златкоўскай, альбом выяў дываноў і тэкстаў Максіма Восіпава.
Сустрэча з аўтаркамі адбудзецца ў Варшаве 24 красавіка, а 18-й, па адрасе: Staromiejski Dom Kultury, Rynek Starego Miasta 2, sala kameralna.
Цяпер чытаюць
Беларуская і расійская арміі на беларускай тэрыторыі трэніруюцца наносіць ядзерны ўдар19
Беларуская і расійская арміі на беларускай тэрыторыі трэніруюцца наносіць ядзерны ўдар
«Узнікаюць уяўленні, што палітвязні мусяць быць стойкімі, сабранымі, удзячнымі. А рэальнасць розная». Пагаварылі з людзьмі, якія водзяць дэпартаваных літаральна за руку44
Каментары
хто там у вас любіць Кудасаву?