Nasta Kudasava i Śviatłana Dziemidovič zaprašajuć na prezientacyju svajoj knihi ŭ Varšavie
U paniadziełak 24 krasavika ŭ Varšavie adbudziecca prezientacyja knihi «Pobač». Padčas sustrečy z aŭtarkami, Nastaj Kudasavaj i mastačkaj Śviatłanaj Dziemidovič, možna budzie kupić i padpisać knižku, «pahavaryć, abniacca, pabyć pobač».
«Kniha «Pobač» — heta ilustravany zbor vieršaŭ, jaki raspaviadaje pra adzinotu i nadzieju, pra pošuk siabie i radzimy ŭ šalonych varunkach rečaisnaści. Nitujučy asabistaje i histaryčnaje, moŭnaje i vizualnaje, zbornik pakazvaje šmatabličny śviet rastryvožanaha sučasnaściu čałavieka: ad rospačy i źniavieranaści da zachapleńnia žyćciom. Heta kniha ciapła i pamiaci, kniha darohi i stanaŭleńnia. Zastacca «pobač» na hetym šlachu, značyć zachavać čułaść, nie zhubić u poli zroku inšaha čałavieka, nie adviarnucca adno ad adnaho», — havorycca ŭ anatacyi da knihi.
Varta zaznačyć, što «Pobač» — pieršaja kniha, vydadzienaja niadaŭna stvoranym biełaruskim impryntam Skarynycy.
U najbližejšych płanach — «Testamient Rahvałoda» Alesia Arkuša, «Stieklannaja dievočka» Hanny Złatkoŭskaj, albom vyjaŭ dyvanoŭ i tekstaŭ Maksima Vosipava.
Sustreča z aŭtarkami adbudziecca ŭ Varšavie 24 krasavika, a 18-j, pa adrasie: Staromiejski Dom Kultury, Rynek Starego Miasta 2, sala kameralna.
Ciapier čytajuć
Capkała i Bałkuniec atakavali litoŭskaha palityka, jaki dapamahaŭ biełarusam paśla 2020‑ha i spryčyniŭsia da spravy, jakuju zavioŭ prakuror u Haazie5252
Kamientary
chto tam u vas lubić Kudasavu?