Больш за 2000 беларускіх кампаній пераехалі ў Еўрасаюз пасля 2020 года
ІТ па колькасці рэлакаваных кампаній далёка не на першым месцы. Такую статыстыку агучыла Асацыяцыя беларускага бізнэсу за мяжой на ІІ Беларускім бізнэс-форуме ў Вільні.
Па іх ацэнках, са жніўня 2020-га да жніўня 2022-га на тэрыторыю ЕС пераехала 2 тысячы беларускіх кампаній. Калі лічыць разам з ІП, то гэта каля 4 тысяч.
80% з іх асела ў Польшчы, 10% — у Літве.
«Пасля жніўня 2020-га хваля эміграцыі беларускага бізнэсу была не самай вялікай. Значна большая хваля была ў 2022-м», — заўважае Сяргей Наўродскі, віцэ-прэзідэнт ABBA (Асацыяцыі беларускага бізнэсу за мяжой), прадстаўнік асацыяцыі ў Літве, Латвіі і Эстоніі.
Калі казаць пра колькасць кампаній, то лідзіруе не IT. На першым месцы будзе аптова-рознічны гандаль. У многіх з іх ёсць беларускія даччыныя кампаніі.
На другім месцы — сфера паслуг. Гэта касметычныя паслугі, аўтасэрвісы, розныя кансультацыі і падобныя рэчы.
Трэцяе месца — гэта вытворчасць.
Але калі параўноўваць па колькасці створаных месцаў на кампанію, то тут найбольш будзе даваць ІТ-сектар, дзеліцца Наўродскі.
«ІТ-кампанія можа прынесці сотні месцаў, а часам і больш. Апошнія лічбы з Літвы — такія кампаніі стварылі каля 6000 працоўных месцаў. Прыкладна столькі ж працоўных месцаў мы ведаем у Польшчы», — расказаў Сяргей Наўродскі.
Цяпер чытаюць
«Абмяркоўваем пытанне аб вызваленні яшчэ 1300 зняволеных». Трамп расказаў, пра што гаварыў з Лукашэнкам22
Каментары