«У Беларусі для палякаў цяпер найгоршае становішча ў свеце» — Канцылярыя прэзідэнта Польшчы
2 мая ў Польшчы адзначаецца Дзень польскай дыяспары і палякаў замежжа. У гэты дзень сакратар Канцылярыі прэзідэнта Польшчы Анджэй Дэра заявіў, што найгоршая сітуацыя для палякаў замежжа цяпер склалася ў Беларусі, бо там яны зазнаюць палітычны пераслед.
Анджэй Дэра падкрэсліў, што рэжым Лукашэнкі варожа ставіцца да польскай спадчыны, мэтанакіравана яе вынішчае:
«У Беларусі знішчаюцца польскія могілкі, разбураюцца магілы польскіх герояў. Цяпер гэта афіцыйная палітыка Беларусі. На гэты момант мы не можам непасрэдна дапамагаць нашым суайчыннікам, але мы намагаемся гэта рабіць па-іншаму, не буду распавядаць падрабязнасці, каб дапамога не спынілася. Цяпер там у палякаў самая складаная сітуацыя».
Пачынаючы з мінулага года ў Беларусі рэжым Лукашэнкі вядзе планамернае знішчэнне ці апаганьванне пахаванняў польскіх жаўнераў часоў Другой сусветнай вайны ці польска-савецкай вайны 1919—1920 гадоў. Вядома пра падобныя выпадкі ў вёсках Багданы, Бабровічы, Варзяны, Дындылішкі, Мікулішкі, Качычы, Плябанішкі, Сурканты, а таксама ў горадзе Іўе.
Акрамя таго, рэжым арыштоўваў і ўтрымліваў у зняволенні лідараў непадкантрольнага дзяржаве Саюза палякаў Беларусі. Адзін з іх, журналіст Андрэй Пачобут, асуджаны на 10 гадоў зняволення і дагэтуль знаходзіцца за кратамі. Таксама ў Беларусі фактычна знішчаная адукацыя на польскай мове.
Цяпер чытаюць
Намеснікам кіраўніка Адміністрацыі прэзідэнта стаў цвердалобы Муравейка, а Генштаб узначаліў генерал, які не вучыўся ў Расіі20
Намеснікам кіраўніка Адміністрацыі прэзідэнта стаў цвердалобы Муравейка, а Генштаб узначаліў генерал, які не вучыўся ў Расіі
Беларус-вахтавік на Ямале стварае песні на беларускай мове з дапамогай ШІ. «Раней музыка была закрытым клубам. Нейрасеткі адчынілі гэтыя дзверы з нагі»1616
Каментары