Свет11

Крыніца ў Пентагоне: Нас загадзя не папярэджвалі аб атацы дронаў на Крэмль, украінцы запэўніваюць, што гэта не яны

Карэспандэнтка Fox News па нацыянальнай бяспецы Джэніфер Грыфін пагаварыла са сваімі крыніцамі ў Пентагоне і цытуе іх словы ў твітары наступным чынам: «Нас загадзя не апавяшчалі пра ўдар дронаў па Крамлі. Украінцы запэўніваюць нас, што гэта былі не яны».

Афіцыйную пазіцыю Вашынгтона ў сераду выказаў намеснік прэс-сакратара Дзярждэпартамента Ведант Патэл. Ён падкрэсліў, што Дзярждэпартамент пакуль не можа пацвердзіць сапраўднасць відэа выбухаў над Крамлём, а да любых заяваў самога Крамля там ставяцца з крайнім скепсісам, піша Бі-бі-сі.

На пытанні журналістаў на брыфінгу аб тым, ці зможа Дзярждэпартамент выказацца аб сапраўднасці відэа больш дакладна ў будучыні, Патэл адказаў, што праца ў гэтым кірунку будзе працягнутая.

Ён падкрэсліў, што ЗША працягнуць падтрымліваць Украіну і што ўкраінскія гарады не адзін раз падвяргаліся разбуральным нападам расійскіх дронаў. Пры гэтым Патэл заўважыў, што ЗША ніколі не падштурхоўвалі Украіну да нападаў на расійскай тэрыторыі і прытрымліваліся гэтай пазіцыі паслядоўна.

У Кіеве афіцыйна адмаўляюць сваё дачыненне да нападу дронаў на Крэмль. Там амаль заўсёды займаюць такую пазіцыю, калі адбываецца нейкая дыверсія на тэрыторыі Расіі, але ў Вашынгтоне не заўсёды схільныя верыць падобным адмаўленням.

Найбольш яскравы прыклад тычыцца забойства прапагандысткі Дар'і Дугінай у жніўні мінулага года. Амерыканскія спецслужбы лічаць, што да гэтага была датычная як мінімум нейкая частка ўкраінскай дзяржавы. Кіеў гэта ўпарта адмаўляе.

Сцэнарый украінскага ўдару па Крамлі абмяркоўваўся ў адным з дакументаў Пентагона, несанкцыянавана раскрытых на пачатку красавіка. Сапраўднасць гэтых дакументаў афіцыйна не пацверджаная, але большасць з іх не ўтрымлівае прыкмет фальсіфікацыі.

Каментары1

  • Натальля
    04.05.2023
    Такое заявление ломает через колено украинских и беларуских борцов с режимом и за светлое будущее.

Цяпер чытаюць

Сусед Мельнікавай па доме: Некалькі тыдняў таму нейкі мужчына выносіў з кватэры сабраныя рэчы

Сусед Мельнікавай па доме: Некалькі тыдняў таму нейкі мужчына выносіў з кватэры сабраныя рэчы

Усе навіны →
Усе навіны

​На рашэнне Трампа ўвесці мыты супраць усяго свету аказаў уплыў фэйкавы эксперт24

У ЗША патлумачылі, навошта ўвялі гандлёвыя тарыфы на бязлюдныя астравы, дзе жывуць адны пінгвіны4

У Літве верталёт будзе суправаджаць цягнікі з Беларусі ў Калінінград6

Улады назвалі сабекошт паездкі ў грамадскім транспарце Мінска28

«Прабачце, беларусы!» Жыхарка Слуцка ўзяла на сябе адказнасць за красавіцкія снегапады3

«Наступілі на руку і зламалі тры пальцы, білі электрошокерам у пах» — экс-палітвязень з суполкі «Саюз беларускага нацыянальнага шчыта»3

У Беларусі выкрылі схему незаконнай легалізацыі замежнікаў1

У Мінску прадаюць кватэру ў стылі палаца3

Дэфіцыт жалеза: як яго распазнаць?2

больш чытаных навін
больш лайканых навін

Сусед Мельнікавай па доме: Некалькі тыдняў таму нейкі мужчына выносіў з кватэры сабраныя рэчы

Сусед Мельнікавай па доме: Некалькі тыдняў таму нейкі мужчына выносіў з кватэры сабраныя рэчы

Галоўнае
Усе навіны →

Заўвага:

 

 

 

 

Закрыць Паведаміць