«Квартал-95 пераігрывае Крэмль». Як расійскія і беларускія прапагандысты адрэагавалі на начныя выбухі ў Крамлі
Ёсць і гнеў, і страх, і справядлівыя пытанні наконт таго, а ці не з'яўляецца гэта ўсё пастаноўкай. Акрамя гэтага, беларускія прапагандысты адкрыта здзекуюцца з Расіі.
Уначы з 2 на 3 мая Крэмль быў атакаваны невядомымі беспілотнікамі, якія ўзарваліся пры падлёце да купала Сенацкага палаца (акурат у палацы знаходзіцца працоўны кабінет Пуціна).
Гэта выклікала масавае абурэнне, гнеў і страх з боку расійскіх дзяржструктур і праўладных медыярэсурсаў, якія ахрысцілі гэта тэрактам і спробай замаху на Пуціна (які ў той момант, па іх словах, там не знаходзіўся). У той жа момант гучалі і падазрэнні наконт таго, а ці не быў гэты напад пастаноўкай, бо занадта шмат яшчэ застаецца незразумелым.
Расійская прапаганда: «Можа, зараз усё пачнецца па-сапраўднаму?»
Беларуская прапаганда: «Гэта ўжо чырвоная лінія ці яшчэ не?»
Лукашэнкаўскія прапагандысты і рэсурсы збольшага перапошчваюць расійскіх калег. Але некаторыя вырашылі выказацца самі і паздзекавацца з Крамля і яго чырвоных ліній.
Пра што нам гэта ўсё гаворыць?
Пакуль застаецца незразумелым, хто стаіць за атакай на Крэмль і ці не было гэта проста інсцэніроўкай. Аднак ужо можна сказаць дакладна, што, незалежна ад першапачатковых мэт нападу, гэта стала чарговым і вельмі балючым ударам па іміджы Расіі, якая прэтэндуе на ролю адной з ваенных звышдзяржаў.
Яшчэ лютаўская дыверсія на беларускім аэрадроме ў Мачулішчах наглядна паказала, што Расія не здольная ў належнай ступені абараняць свае стратэгічныя аб'екты дзе б там ні было (ні ў Беларусі, ні ва Украіне, ні нават у Маскве).
Начныя выбухі ў Крамлі асаблівыя тым, што адбываюцца адначасова са шматлікімі ўварваннямі ўкраінскіх беспілотнікаў у расійскую паветраную прастору разам з дыверсіямі на расійскіх аб'ектах на акупаванай украінскай тэрыторыі і ў самой Расіі. Падчас адной з такіх дыверсій быў нядаўна падарваны ўчастак расійскай чыгункі разам з беларускім чыгуначным саставам.
Гэта ж з'яўляецца чарговым сігналам і для рэжыму Лукашэнкі, які асцерагаецца помсты з боку Украіны за вайну і адначасова просіць для сябе гарантый бяспекі з боку Расіі — краіны, якая не можа забяспечыць абарону сваіх уласных стратэгічных аб'ектаў.
Беларускія памежнікі палявалі на беспілотнік і ледзь самі сябе не перастралялі ВІДЭА
«Усё значна горш». Расійскія Z-каналы ў ярасці ад відэа з дронам у Мачулішчах
«13:00 узяцце Кіева. 18:00 канцэрт Газманава». Стэнаграма і храналогія таго, што беларускія прапагандысты ў экстазе пісалі 24—25 лютага 2022 года
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу7
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1919
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх19
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары