Расійскі бок абвінаваціў Украіну ў спробе атакі Крамля беспілотнікамі. Пуцін, як паведамляецца, не пацярпеў — яго ў гэты час у Крамлі не было.
Сёння ноччу жыхары цэнтра Масквы чулі моцны хлапок, падобны да раскату грому. Пасля гэтага перастала працаваць падсвятленне Крамля. У інтэрнэце стала распаўсюджвацца відэа, дзе над Крамлём быў відаць дым.
Пасля абеду прэс-служба прэзідэнта Расіі заявіла, што два ўкраінскія беспілотнікі спрабавалі атакаваць Крэмль.
«Яны былі своечасова выяўленыя і выведзеныя з ладу сродкамі радыёэлектроннай барацьбы. У выніку падзення дронаў і разлёту аскепкаў ніхто не пацярпеў», — гаворыцца ў паведамленні.
Крэмль назваў атаку беспілотнікаў на рэзідэнцыю прэзідэнта тэрактам і замахам на Пуціна.
У Крамлі заявілі, што пакідаюць за сабою права «адказаць — там і тады, калі палічаць патрэбным».
На відэа бачна, што ў выніку выбуху беспілотніка гарэў купал Сенацкага палаца Крамля.
Пакуль няясна, ці сапраўды гэта была атака беспілотнікаў на Крэмль, ці маем справу з імітацыяй нападу, інсцэніраванай расійскімі спецслужбамі для апраўдання ўдараў па гарадах Украіны.
Мэр Масквы Сабянін забараніў запуск беспілотных лятальных апаратаў у горадзе.
Прадстаўнік Крамля Дзмітрый Пяскоў заявіў, што парад на 9 Мая на Краснай плошчы адбудзецца, нягледзячы на падзеі гэтай ночы.
Выбух беспілотніка над Крамлём трапіў на відэа. Магчыма, ён быў збіты непасрэдна над палацам.
Цяпер чытаюць
Як асабістая доктарка Лукашэнкі вучыць беларусаў цаніць радзіму, а сама скупляе люкс і адпачывае на Блакітным Беразе ШМАТ ФОТА39
Як асабістая доктарка Лукашэнкі вучыць беларусаў цаніць радзіму, а сама скупляе люкс і адпачывае на Блакітным Беразе ШМАТ ФОТА
На Афоне адшукалі тры невядомыя раней асобнікі Астрожскай Бібліі. Для яе стварэння друкар Іван Фёдараў, выхадзец з Беларусі, выкарыстоўваў тэксты Скарыны44
Каментары