Расійскія вайскоўцы за апошні месяц павялічылі колькасць абстрэлаў Сумскай, Чарнігаўскай і Харкаўскай абласцей. Пра гэта распавяла намесніца міністра абароны Украіны Ганна Маляр у тэлеграм-канале.
Фота: Луганская ваенная адміністрацыя / «Украінская праўда»
«За апошні месяц вораг павялічыў абстрэлы прыгранічных абласцей — Харкаўскай, Чарнігаўскай і Сумскай. За апошні тыдзень з 8 па 16 мая расійскія войскі здзейснілі 162 абстрэлы названых абласцей. Больш за ўсё падверглася абстрэлам Сумская вобласць — 110, Чарнігаўская — 29, Харкаўская — 23», — напісала яна.
Паводле слоў Маляр, акрамя абстрэлаў мірнага насельніцтва, вораг артылерыйскімі і авіяцыйнымі ўдарамі спрабуе пастаянна трымаць у напружанні ўкраінскія войскі ў прыгранічных абласцях, каб не дапусціць іх удзелу ў вайне на іншых напрамках.
Спевака з «Марафону адзінства» асудзілі за палітыку — прыгадалі каментары 2020-га. Бараніць у суд яго хадзілі сёстры Груздзевы16
Каментары