Вынікі адміністрацыйнага пераследу апошніх дзён у Полацку і Наваполацку сталі вядомыя праваабаронцам «Вясны». Сёння над некаторымі жыхарамі Полацка і Наваполацка адбыліся суды, іх справы разглядала суддзя Зінаіда Балаболава.
Так, Сяргея Рыкуна Зінаіда Балаболава прызнала вінаватым паводле арт. 19.11 КаАП (распаўсюд экстрэмісцкіх матэрыялаў) і арыштавала на 13 сутак.
Яна ж прызначыла Паліне Путро штраф памерам 740 рублёў (20 базавых велічыняў), а справавода дэканата Кацярыну Швалюга аштрафавала на 1 110 рублёў (30 базавых велічыняў).
Ксенію Зуеву аштрафавалі на 2 220 рублёў (60 базавых велічыняў) за «пікет».
Алега Крайко асудзілі адразу паводле двух артыкулаў — 24.23 КаАП (несанкцыянаванае пікетаванне) і 19.11 (распаўсюд экстрэмісцкіх матэрыялаў). Суддзя арыштавала яго на 26 сутак.
73-гадовую кандыдатку тэхнічных навук і дацэнтку кафедры геадэзіі і геаінфармацыйных сістэм Галіну Шараглазаву суддзя Балаболава адправіла за краты на 10 сутак. Падрабязнасці справы невядомыя.
Учора стала вядома пра затрыманні супрацоўнікаў Полацкага дзяржаўнага ўніверсітэта. Наваполацкую выкладчыцу Алену Храмцову арыштавалі на 10 сутак.
Цяпер чытаюць
«Шматпартыйнасць, плюралізм меркаванняў — гэта брахня, заходняя брахня». Лукашэнка разглядае канстытуцыйнае вяртанне да савецкай сістэмы20
«Шматпартыйнасць, плюралізм меркаванняў — гэта брахня, заходняя брахня». Лукашэнка разглядае канстытуцыйнае вяртанне да савецкай сістэмы
Беларускія абрады, арнаменты і беларуская мова паўсюль. Як нашчадак перасяленцаў зрабіў сяло каля Байкала зноў беларускім, і чаму гэта можа хутка скончыцца1414
Каментары