У Музеі вольнай Беларусі прэзентуюць інсталяцыю «1525» пра беларускіх палітвязняў
У панядзелак, 5 чэрвеня, а 12-й гадзіне ў Музеі вольнай Беларусі па адрасе Foksal, 11 адбудзецца прэзентацыя праекта «1525» — інсталяцыі, прысвечанай палітвязням у Беларусі. Там вы зможаце сустрэцца і пагутарыць з яе аўтарамі.
Ідэя інсталяцыі «1525» і яе ўвасабленне належыць былым палітвязням — людзям, якія на сабе адчулі ўсю бесчалавечнасць турэмных умоў, створаных сёння ў Беларусі.
У спісах палітзняволеных у Беларусі імёны больш за 1500 чалавек, і гэта далёка не ўсе ахвяры рэпрэсіўнай машыны лукашэнкаўскага рэжыму.
Ідэя інсталяцыі з'явілася ў суполцы былых палітвязняў, калі ў Варшаве праходзіў Ланцуг салідарнасці ў Дзень палітвязняў у Беларусі, 21 мая.
«У нашых турмах працягваюцца здзекі і катаванні людзей, і мы павінны гаварыць пра гэта кожны дзень. Усяму свету. Да моманту, пакуль не вызвалім усіх», — так тлумачаць ідэю стварэння інсталяцыі яе аўтары.
Інсталяцыю «1525» можна пабачыць у галерэі Музея вольнай Беларусі да 8 чэрвеня ўключна з 16:00 да 20:00, а потым яна знойдзе сваё месца ў музейным фондзе.
Побач, у малой зале музея, дэманструецца міні-выстава «Храмы Паўла Севярынца», лідара партыі «Беларуская хрысціянская дэмакратыя», які сёння таксама знаходзіцца за кратамі.
А падтрымаць музей фінансава вы можаце, перайшоўшы па гэтай спасылцы.
Цяпер чытаюць
Начальнік міліцыі Брагіна страляў у сваю жонку. Яна цудам выжыла9
Каментары
проста тупа развесілі фоты, прычым шмат якія апынуліся куды ніжэй позірку - на узроўні нагі
гэта што?
улада зневажае палітычных
але збеглыя т.зв. дызайнеры што - таксама?