7 верасня 2020 года яе выкралі ў цэнтры Мінска і паспрабавалі вывезці на ўкраінскую мяжу.
Аднак Марыя парвала свой пашпарт і вярнулася на беларускую тэрыторыю.
Яе судзілі разам з юрыстам Максімам Знакам.
Праз год, 6 верасня 2021 года, Мінскі абласны суд палічыў Марыю вінаватай у здзяйсненні злачынстваў і асудзіў да 11 гадоў пазбаўлення волі за змову з мэтай захопу дзяржаўнай улады неканстытуцыйным шляхам, стварэнне экстрэмісцкага фармавання і кіраванне такім фармаваннем, публічныя заклікі да захопу дзяржаўнай улады. Максіму Знаку далі 10 гадоў калоніі.
Пакаранне Марыя адбывае ў гомельскай жаночай калоніі. У канцы мінулага года стала вядома, што Марыя трапіла ў шпіталь з хірургічнай паталогіяй, дзе яе прааперавалі. Пасля таго яе так-сяк падлячылі і выпісалі, але цалкам аднавіцца, як выглядае, не далі.
У маі гэтага года зноў стала вядома аб праблемах са здароўем у гэтай мужнай жанчыны.
Сёння да яе і да міжнароднай супольнасці звярнулася сястра палітзняволенай Таццяна Хоміч. Больш за тры месяцы ад Марыі няма ніякіх вестак, апошні ліст ад яе прыйшоў у пачатку лютага. Тады Калеснікава напісала, што моцна страціла ў вазе, але пакрысе стала яе набіраць.
«Як ты зараз пачуваешся? Дзе ты зараз?» — задаецца пытаннем Таццяна Хоміч.
Цяпер чытаюць
«Для беларускіх уладаў я, хутчэй, магчымасць, а не пагроза». Калеснікава дала вялікае інтэрв’ю Золатавай75
Каментары
Колесникова против него - титан и Голиаф, а он против неё ничто и ни кто.