«Уцечкі інфармацыі не выяўлена». Аб'яднаны пераходны кабінет праводзіць праверку ў «Байполе»
Аб'яднаны пераходны кабінет выступіў з заяваю наконт сітуацыі ў арганізацыі «Байпол». Паводле прэс-рэліза, пагроз для канфідэнцыйнай інфармацыі сёння няма.
«На гэты момант не выяўлена ўцечкі інфармацыі, якая назапашваецца ў рамках плана «Перамога» і іншых ініцыятыў арганізацыі «Байпол», як не выяўлена і пагроз для інфармацыі, якая [ў арганізацыі] захоўваецца.
На сёння прызначана медыяцыя паміж бакамі канфлікту ў прысутнасці кіраўніцтва Аб’яднанага пераходнага кабінета», — гаворыцца ў паведамленні.
Нагадаем, на мінулым тыдні ў «Байполе» адбыўся скандал. Аляксандр Азараў апублікаваў відэа, у якім заявіў, што «Байпол» страціў доступ да сваіх медыярэсурсаў, усе паролі засталіся ў распараджэнні былога супрацоўніка арганізацыі Мацвея Купрэйчыка, які адмовіўся прайсці паліграф, за што і быў звольнены з арганізацыі. Пазней у тэлеграм-канале «Байпола» з'явіўся запіс, у якім абвінавачанні прагучалі ў адрас самога Аляксандра Азарава.
Поўную храналогію канфлікту ў «Байполе» вы можаце прачытаць тут.
Цяпер чытаюць
З праекта будаўніцтва мінскага метро выкінулі яшчэ дзве станцыі — «Кіеўскі сквер» і «Політэхнічную»5
Каментары
На сеньня не выяўлена. Мяркуючы па іншых справах, і па сутнасьці гэтых былых - уцечка абавязкова будзе.