Пасол Кізім: Пра беларуска-ўкраінскія перамовы ў Львове я нічога не чуў. А Лукашэнка званіў Зяленскаму
У аўторак Аляксандр Лукашэнка ў інтэрв’ю расійскай прапагандыстцы Вользе Скабеевай заявіў, што Уладзімір Зяленскі спрабуе наладзіць дыпламатычны кантакт з Беларуссю і быццам бы адбыліся нейкія беларуска-ўкраінскія перамовы ў Львове. Пасол Украіны ў Беларусі Ігар Кізім пракаментаваў гэтыя словы радыё «Унэт».
Лукашэнка заявіў: «Зяленскі мне прапануе: «Давай пагаворым». Дасылае гэтага Кірылу Буданава на перамовы недзе. Мы паехалі праз мяжу іх, міністр замежных спраў паехаў туды, не першы раз, селі ў Львове, вядзём перамовы. Здаецца, нармальна. Даведаліся амерыканцы. Пайшлі нейкія непаразуменні. Яны нам прапануюць: «Давайце наступным разам у Стамбуле». Ды пашлі вы на хрэн. Які Стамбул? Чаго мы ў Стамбул паедзем, мы мяжуем з вамі. Хочаце размаўляць — давайце размаўляць».
Калі праходзілі гэтыя перамовы, Лукашэнка не ўдакладніў. Пра што ідзе гаворка, не зразумеў і пасол Украіны ў Беларусі Ігар Кізім.
— Афіцыйна нічога такога не было. Можа, калі была сустрэча ў Белавежскай пушчы, нехта паехаў у Львоў з беларускага боку. Але я пра гэта не ведаю, афіцыйна не каментаваў і не буду гэта каментаваць. Там, дзе я быў на перамовах, а я быў у Белавежскай пушчы, то я бачыў, што там беларусаў не было.
— Вы казалі, што Лукашэнка шукаў кантактаў з Зяленскім…
— Ён званіў, намагаўся. Але я не чуў, каб былі нейкія кантакты пасля перамоў у Белавежскай пушчы. Я, прынамсі, не браў удзелу ў іх арганізацыі. Заўжды ў такіх выпадках амбасада далучаецца, амбасадар далучаецца.
Усё, што робіць цяпер беларуская ўлада, — гэта прамы шлях да інтэграцыі з Расіяй. І трэба быць рэалістамі, каб разумець, што гэты працэс не спыняецца. Любая інтэграцыя прадугледжвае перадзел уладных паўнамоцтваў з таго ці іншага боку.
Гэта ў любым саюзе адбываецца, незалежна [ад таго], ці то ў Еўрапейскім саюзе, ці то ў Савецкім, ці то ў Шанхайскай арганізацыі супрацоўніцтва. Пытанне, [якое] вынікае, — наколькі гэтая інтэграцыя будзе глыбокая, што трэба будзе паступіцца часткай суверэнітэту, ці не.
Цяпер я бачу, што ідзе пэўнае зрошчванне дзяржаўных органаў Расіі і Беларусі. Да якой ступені гэта дойдзе — я не ведаю. Ці ёсць гэта пазбаўленнем паўнамоцтваў аднаго кіраўніка, ці другога — тут час пакажа.
Цяпер чытаюць
Феномен медыцынскага ўніверсітэта: кабала з размеркаваннем, невялікія заробкі, але ад абітурыентаў адбою няма4
Каментары
САНКТ-ПЕТЕРБУРГ,
15 июня. /ТАСС/. Белоруссия и Донецкая Народная Республика (ДНР) будут
развивать сотрудничество в сельском хозяйстве, машиностроении, угольной
отрасли и поставках пищевой продукции, передает корреспондент ТАСС.Соответствующее
соглашение в четверг подписали на Петербургском международном
экономическом форуме посол Белоруссии в России Дмитрий Крутой и врио
главы ДНР Денис Пушилин.
То бок адбыўся ўжо дэ-юрэ афіцыйный кантакт лукашэнкаўскага МЗС і кіраўніцтва тэрарыстычнага стварэння "ДНР", нават нешта падпісалі.
Банкавая "не заўважыць", захоўваючы амбасаду ў Менску? Бо нельга "правакаваць" Лукашэначку?