Польшча хоча размясціць на сваёй тэрыторыі ядзерную зброю ў адказ на размяшчэнне расійскай у Беларусі
Прэм'ер-міністр Польшчы Матэвуш Маравецкі заявіў, што ягоная краіна хацела б далучыцца да праграмы ядзернага абмену сярод краін НАТА, улічваючы намеры Расіі размясціць тактычную ядзерную зброю на тэрыторыі Беларусі. Пра гэта ён сказаў пасля саміту ў Бруселі, як паведамляе «Еўрапейская праўда».
Маравецкі пацвердзіў, што Варшава зацікаўленая ва ўдзеле ў гэтай праграме.
«Канчатковае рашэнне будзе залежаць ад нашых амерыканскіх, натаўскіх партнёраў. Мы заяўляем пра нашу волю дзейнічаць хутка ў гэтым пытанні», — адзначыў польскі прэм'ер.
Таксама Маравецкі падкрэсліў, што «мы не хочам сядзець склаўшы рукі, пакуль Пуцін нагнятае рознага роду пагрозы».
Ядзерны абмен (Nuclear Sharing) — гэта праграма ядзернага стрымлівання НАТА. Яна дазваляе размяшчаць ядзерныя боегалоўкі на тэрыторыі краін — сябровак альянсу, якія не маюць уласнай ядзернай зброі. З лістапада 2009 года ў рамках гэтай праграмы ядзерная зброя ЗША размешчаная ў Бельгіі, Германіі, Італіі, Нідэрландах і Турцыі.
Цяпер чытаюць
У Быхаве паставілі выродлівы помнік жанчыне. Разам са скульптурай у Касцюковічах ён можа стаць сімвалам культурнай дэградацыі Беларусі пры Лукашэнку3
У Быхаве паставілі выродлівы помнік жанчыне. Разам са скульптурай у Касцюковічах ён можа стаць сімвалам культурнай дэградацыі Беларусі пры Лукашэнку
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра3232
Каментары