Лідары Шанхайскай арганізацыі супрацоўніцтва (ШАС) сёння правядуць анлайн-саміт, арганізаваны Індыяй, каб пашырыць уплыў Еўразійскай групы за кошт уключэння Ірана і адкрыць шлях да сяброўства для Беларусі.
Прэзідэнт Кітая Сі Цзіньпін і расійскі прэзідэнт Уладзімір Пуцін прымуць удзел у віртуальным саміце, які стане першым з'яўленнем Пуціна на міжнародным мерапрыемстве пасля таго, як ён здушыў мяцеж групы наймітаў «Вагнера» ў канцы чэрвеня.
Заснаваная ў 2001 годзе Кітаем і Расіяй ШАС складаецца з васьмі сяброў і ўяўляе сабой палітычную групу і групу бяспекі, якая імкнецца супрацьстаяць заходняму ўплыву ў Еўразіі. У яе ўвайшлі былыя савецкія дзяржавы Цэнтральнай Азіі (Казахстан, Узбекістан, Кыргызстан, Таджыкістан), а пасля да іх далучыліся Індыя і Пакістан.
У той час як Іран, як чакаецца, будзе прыняты ў якасці сябра, Беларусь падпіша мемарандум аб абавязацельствах, які прывядзе да яе сяброўства пазней. Калі абедзве краіны, якія маюць статус назіральніка і цесныя сувязі з Масквой, будуць прынятыя сябрамі ШАС, гэта пашырыць заходні фланг групоўкі як у Еўропе, так і ў Азіі.
Саміт праходзіць усяго праз два тыдні пасля таго, як прэм'ер-міністр Індыі Нарэндра Модзі быў прыняты прэзідэнтам ЗША Джо Байдэнам з дзяржаўным візітам і гэтыя дзве краіны назвалі сябе «аднымі з найбліжэйшых партнёраў у свеце».
Пуцін размаўляў з Модзі на мінулым тыдні, каб абмеркаваць наступствы падаўлення бунту наймітаў. Падчас абмеркавання Модзі зноў заклікаў да дыялогу і дыпламатыі адносна вайны супраць Украіны.
Цяпер чытаюць
Усе гадаюць, чаму Месяц змяніў сваё становішча на небе. Спыталі ў астранома, што адбываецца7
Усе гадаюць, чаму Месяц змяніў сваё становішча на небе. Спыталі ў астранома, што адбываецца
Часам нечаканая гісторыя беларускіх гімнаў: «Мы выйдзем шчыльнымі радамі», «Пагоня», «Жыве Беларусь», «Радзіма мая дарагая», «Магутны Божа» (з ВІДЭА)1212
Каментары