Марскі лайнер з расійскімі турыстамі з Сочы праз пратэсты ў Грузіі пакінуў порт у Батумі
У Батумі скандал з круізным лайнерам з расійскімі турыстамі. Тыя заявілі прэсе, што падтрымліваюць вайну ў Грузіі 2008 года, гэта выклікала акцыі пратэсту, піша Радыё Свабода.
У Батумі раніцай 27 ліпеня з Сочы прыбыў круізны лайнер Astoria Grande з расійскімі турыстамі, але ён быў вымушаны пакінуць порт праз акцыі пратэсту, якія пачаліся з гэтай нагоды ў Батумі і Тбілісі.
Пратэсты адбыліся ў цэнтры Тбілісі і ў парту Батумі. Яны пачаліся пасля таго, як расійскія турысты ў інтэрв'ю грузінскім СМІ заявілі, што падтрымліваюць дзеянні Расіі ў вайне з Грузіяй у 2008 годзе. У прыватнасці, у адным з каментароў прагучала выказванне «Расія вызваліла Абхазію ад грузінаў». Яшчэ адна турыстка паведаміла, што наведвала Абхазію.
У Тбілісі акцыя пратэсту адбывалася каля грузінскага парламента. Некалькі грамадскіх актывістаў спалілі там расійскі сцяг. На акцыю Ў Батумі ўдзельнікі выйшлі з плакатамі, на якіх было напісана: «Расія пазбаўляе нас нашай радзімы, жыцця і будучыні», «Не палітыцы абрусення», «Урад Грузіі не зможа зрабіць з грузінскага народа расійцаў».
Супраць прыходу расійскага лайнера выступіла таксама прэзідэнт Саломе Зурабішвілі.
Цяпер чытаюць
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам15
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі2424
Каментары