Лідары перавароту ў Нігеры закрылі паветраную прастору, баючыся ўварвання
Мяцежнікі заявілі, што Узброеныя сілы Нігера гатовыя да абароны краіны, а любая спроба парушыць паветраную прастору сустрэне «энергічны і неадкладны адказ».
Лідары перавароту ў Нігеры закрылі паветраную прастору краіны з-за боязі магчымай ваеннай інтэрвенцыі з боку суседніх дзяржаў, піша Бі-бі-сі.
«Ва ўмовах пагрозы інтэрвенцыі, якая становіцца ўсё больш відавочнай дзякуючы падрыхтоўцы суседніх краін, паветраная прастора Нігера закрываецца з нядзелі [ … ] для ўсіх самалётаў да наступнага паведамлення», — гаворыцца ў заяве мяцежнікаў.
Раней краіны Эканамічнай супольнасці заходнеафрыканскіх дзяржаў (ЭКОВАС) выставілі ўльтыматум кіраўнікам бунту на чале з начальнікам прэзідэнцкай гвардыі Амарам Абдурахманам Чыяні, прыстрашыўшы ўжыць сілу, калі зрынуты прэзідэнт Махамед Базум не будзе адноўлены на пасадзе да вечара нядзелі.
Мяцежнікі заявілі, што Узброеныя сілы Нігера гатовыя да абароны краіны, а любая спроба парушыць паветраную прастору сустрэне «энергічны і неадкладны адказ».
Базум быў затрыманы ў прэзідэнцкім палацы 26 ліпеня, пазней генерал Чыяні абвясціў сябе новым лідарам краіны.
Захоп улады вайскоўцамі быў асуджаны на міжнародным узроўні, у тым ліку Францыяй і іншымі краінамі ЕС, а таксама ААН і ЗША.
Францыя таксама прыпыніла дапамогу Буркіна-Фасо, улады якой падтрымалі мяцежнікаў разам з Малі.
У нядзелю тысячы прыхільнікаў перавароту сабраліся на стадыёне імя генерала Сэйні Кунчэ ў сталіцы краіны Ніямеі.
Многія прыйшлі на стадыён з расійскімі сцягамі, хоць сама Расія пераварот раней асудзіла.
Цяпер чытаюць
«Мне хацелі кампенсаваць каля 10% ад кошту пагарэлага». Як беларускія прадаўцы на Вайлдберыз вырашаюць вогненныя праблемы7
«Мне хацелі кампенсаваць каля 10% ад кошту пагарэлага». Як беларускія прадаўцы на Вайлдберыз вырашаюць вогненныя праблемы
«Надзея Сцяпанаўна». Мікіта Найдзёнаў апублікаваў паэму, якая нарадзілася ў Жодзінскай турме. Такога паэтычнага эпасу ў беларускай паэзіі ХХІ стагоддзя яшчэ не было66
Каментары