«Ваша барацьба — наша барацьба, мы не пакінем вас адных». Кіраўніца Еўрапарламента звярнулася да беларусаў
«Беларускі народ мае вольна жыць у дэмакратыі, свабодзе і міры, — заявіла прэзідэнт Еўрапейскага парламента Раберта Метсола ў відэазвароце з нагоды трэцяй гадавіны фальсіфікаваных прэзідэнцкіх выбараў у Беларусі. — Быць свабодным ад аўтакратыі, прыгнёту, жорсткасці».
Паводле слоў еўрачыноўніцы, Еўропа на баку беларусаў.
«Барацьба за дэмакратычную Беларусь жывая. Ваша барацьба — наша барацьба, мы не пакінем вас адных», — заявіла Метсола.
У паведамленні, якое суправаджае апублікаваны ў твітары відэаролік, кіраўніца Еўрапарламента адзначыла, што «тры гады таму беларускі народ абраў для сваёй краіны новы вектар», арыентаваны на «свабоду, суверэнітэт і дэмакратыю».
«Замест гэтага ён сутыкаецца з палітычнымі пераследамі, пагрозамі і турэмным зняволеннем. Еўропа рашуча выступае на баку народа Беларусі. А Лукашэнка павінен быць прыцягнуты да адказнасці», — напісала Метсола.
«Я стаю тут, таму што я ўсё яшчэ хачу гаварыць». Былая палітзняволеная правяла адзіночны пікет у Вільні
«Ісці наперад з любоўю да тых, хто ідзе побач, і з верай у тых, хто будзе пасля нас». Ціханоўская звярнулася да беларусаў у Дзень Салідарнасці
Прэзідэнт Літвы сустрэўся са Святланай Ціханоўскай і яе камандай
Цяпер чытаюць
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення8080
Каментары