У Берліне зрабілі аперацыю Віталю Тысеву, якому беларусы збіралі грошы
Пра тое, што аперацыя скончылася, паведаміла апякунка Віталя, былая лекарка з Украіны Вілена, піша «Радыё Свабода». Паводле нямецкіх хірургаў з берлінскай клінікі «Шарытэ», аперацыя прайшла паспяхова. Падрабязнасці чакаюцца сёння пазней.
Падчас зняволення ў 2020 годзе ў жыхара Стоўбцаў Віталя Тысева абвастрылася хранічнае захворванне. Пасля ўцёкаў з Беларусі лекары дыягнаставалі ў Тысева сур’ёзную праблему.
Віталю сабралі грошы на лячэнне — амаль 20 тысяч еўра. Аднак польская клініка ў апошні момант пабаялася рабіць складаную аперацыю і адмовілася. Таксама Тысеў прайшоў абследаванне ў Літве, але і там атрымаў адмову ў аперацыі.
Берлінская клініка «Шарытэ» пагадзілася прыняць беларуса і зрабіць аперацыю. Цана яе — 55 100 еўра, і на гэтую суму таксама збіраюць ахвяраванні.
Паводле Вілены, пасля аперацыі плануюць адкрыць новы збор грошай на рэабілітацыю Віталя Тысева.
Шмат гадоў таму ў Віталя Тысева была траўма пазваночніка, але яна дазваляла яму жыць і працаваць. Складанасці пачаліся ў 2020 годзе, калі арышт у ізалятары справакаваў запаленне.
У Віталя развіўся анкілазіруючы спандыліт (аўтаімунная хвароба злучальнай тканкі), зрасліся ўсе суставы пазваночніка і іншыя суставы. Лекары казалі, што калі ў найбліжэйшыя тыдні не зрабіць аперацыі, то мужчыну можа паралізаваць.
Цяпер чытаюць
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі2323
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі23
«Час, які патрабуе надзвычайнай асцярожнасці». Польскі вундэркінд, які стаў галоўным навукоўцам OpenAI, патлумачыў, чаму менавіта зараз ШІ можа вырвацца з-пад кантролю88
Каментары