Сёння праходзіць марафон «Змагайся як беларуска!», прысвечаны трэцяй гадавіне жаночых маршаў
12 жніўня, у трэцюю гадавіну пачатку жаночых маршаў, праходзіць вялікі дыскусійны стрым з удзелам выбітных беларусак, прысвечаны Дню салідарнасці з жаночымі пратэстамі супраць гвалту ў Беларусі. Пачатак а 14-й гадзіне.
12 жніўня 2020 года, у сераду, у розных частках Мінска з'явіліся жанчыны ў белым з кветкамі ў руках. Гэта быў жаночы пратэст супраць гвалту, які на той час чацвёрты дзень працягваўся на вуліцах горада і ў турме на Акрэсціна.
З таго часу жаночыя акцыі сталі рэгулярнымі, яны праводзіліся ў суботы. У панядзелкі на мінскія вуліцы выходзілі пенсіянеры. Паралельна ў Мінску адбылося 11 масавых, шматтысячных нядзельных шэсцяў.
З нагоды трэцяй гадавіны першага выхаду жанчын на вуліцы сталіцы тэлеканал «Белсат» ладзіць спецыяльны марафон. У паведамленні арганізатараў гаворыцца:
«12 жніўня, у трэцюю гадавіну жаночых маршаў, мы ў межах праграмы «Трэба пагаварыць» пры падтрыманні канала «Белсат» правядзём вялікі дыскусійны стрым. Адзначым Дзень салідарнасці з жаночымі пратэстамі супраць гвалту ў Беларусі.
Мы будзем гаварыць пра тое, што адчуваем на трэці год пасля Рэвалюцыі. Пра наш гнеў, нянавісць і расчараванне. І таксама пра нашу надзею і нашу рашучасць. Тры гады таму мы выйшлі супраць дубінак з кветкамі і заклікам да міру. Якім будзе наш наступны выхад? Разам успомнім пацярпелых за сваю пазіцыю і паспрабуем адрэфлексаваць нарэшце гэтае пытанне: кветкі ці кулі?»
Стрым пройдзе 12.08 на YouTube-канале «Белсат LIFE». Пачатак а 14-й паводле мінскага часу.
Удзел у дыскусіі возьмуць вядомыя беларускі: Аліна Коўшык, Яўгенія Доўгая, Наталля Хершэ, Юліяна Шэметавец, Наста Базар, Вольга Шпарага, Вольга Ланеўская, Марыя Касінерава, Наста Роўда, Наталля Задзяркоўская. Спіс удзельніц не канчатковы, ён можа дапаўняцца.
«Часам страшылкі пра беларусаў перасягаюць рамкі». Галоўрэд рускамоўнага Delfi — пра спрэчны фільм Мікалая Мамінава і логіку літоўскіх палітыкаў
Якім быў апошні дзень перад выбарамі? Вядомыя беларусы згадваюць 8 жніўня
«Ніхто не перашкаджаў пратэсту быць нямірным. Хто хацеў, у таго быў нямірным» — БЧБ-нявеста
Азараў моцна пакрыўдзіўся на словы «псеўдалідаркі Ціханоўскай», што яго План Перамога быў памылкай32
Каментары