Да гэтага часу ў Латвіі не было выяўлена якой-небудзь знешняй рэкламы групоўкі, напрыклад, налепак або іншых прапагандысцкіх матэрыялаў.
Служба дзяржбяспекі Латвіі (СДБ) выявіла ў інтэрнэце асобныя прамыя і ўскосныя заклікі далучыцца да расійскай групоўкі «Вагнер», паведамляе Delfi са спасылкай на прадстаўнікоў службы. Больш падрабязных каментароў Служба бяспекі не пагучыла.
Прадстаўнікі СДБ толькі растлумачылі, што да гэтага часу ў Латвіі не было выяўлена якой-небудзь знешняй рэкламы групоўкі, напрыклад, налепак або іншых прапагандысцкіх матэрыялаў.
У СДБ таксама нагадалі, што грамадзянам і неграмадзянам Латвіі забаронена служыць ва Узброеных сілах або вайсковай арганізацыі іншай дзяржавы, якая пагражае нацыянальнай бяспецы Латвіі. За парушэнне гэтай забароны прадугледжана крымінальная адказнасць — пазбаўленне волі на тэрмін да чатырох гадоў.
Пакаранне ў выглядзе турэмнага тэрміну да дзесяці гадоў таксама прадугледжана за актыўны ўдзел ва ўзброеным канфлікце, што адбываецца за межамі Латвіі, накіраваным супраць тэрытарыяльнай цэласнасці або палітычнай незалежнасці краіны ці іншым чынам супярэчыць міжнароднаму праву, звязанаму з Латвіяй.
СДБ заклікае грамадзян паведамляць пра заўважаныя імі прапагандысцкія матэрыялы ці іншыя спробы завербаваць жыхароў Латвіі ў групоўку «Вагнер».
Цяпер чытаюць
Што цяпер з італьянскімі візамі? Масавыя адмовы? Турфірмы называюць альтэрнатыву2
Што цяпер з італьянскімі візамі? Масавыя адмовы? Турфірмы называюць альтэрнатыву
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1212
Каментары