Невядомы спыніў два дзясяткі цягнікоў у Польшчы з дапамогай радыёсігналу
Інцыдэнт адбыўся на чыгунцы ў польскім Заходне-Паморскім ваяводстве. Невядомы перадаў сігнал радыё-стоп, які прывёў да затрымкі больш як 20 пасажырскіх цягнікоў. Грузавы рух быў адноўлены пазней, піша Reform.by.
«У ноч з пятніцы на суботу ў Заходне-Паморскім ваяводстве адбылася несанкцыянаваная перадача сігналу радыё-стоп. Адпаведныя службы прынялі неадкладныя меры», — гаворыцца ў паведамленні PKP.
Сігнал быў распаўсюджаны на перагонах Далешаў-Шчэцін і Хошчна-Шчэцін. Пра інцыдэнт былі апавешчаныя праваахоўныя органы, уключаючы Агенцтва ўнутранай бяспекі.
Сігнал радыё-стоп азначае небяспеку на чыгуначным шляху і прыводзіць да аўтаматычнага тармажэння цягніка. Сістэма была распрацавана для прадухілення аварый.
Паведамлялася таксама пра тое, што чыгуначнікі, акрамя сігналу, пачулі гімн Расіі, але ў PKP гэтай інфармацыі каментаваць не сталі.
Цяпер чытаюць
Электронную «Беларускую энцыклапедыю», створаную як прастору «верагодных ведаў пра Беларусь», ціха ліквідавалі разам з рэдакцыяй. Купу артыкулаў перадалі Гігіну44
Каментары