Сусветны кіношны феномен гэтага лета, фільм «Барбі», з-за санкцый прайшоў міма Беларусі, але ў верасні яго ўсё ўсё ж такі абяцалі паказаць, застасаваўшы механізмы абыходу. Але, здаецца, усё зноў ідзе не так, піша Tochka.by.
Чытачы выдання звярнулі ўвагу, што з сайта «Кіно Менска» знікла інфармацыя аб прэм'еры «Барбі», якая была запланаваная ў сталіцы на 9 верасня. Пошук па назве фільма сапраўды не выдае вынікаў.
А ў спісе прэм'ер на першы восеньскі месяц 9 верасня значацца толькі «Чарапашкі-Ніндзя: пагром мутантаў».
На картцы «Барбі», якую можна знайсці па прамой спасылцы, датай выхаду ў беларускі пракат адзначана 24 жніўня — і гэтай жа датай пракат нібыта завяршыўся.
Раней паведамлялася, што ў кінатэатрах Мінска «Барбі» будуць круціць з 9 верасня па 4 кастрычніка.
У Расіі, дзе праз санкцыі з сусветнымі прэм'ерамі таксама ўсё складана, «Барбі» таксама планавалі запусціць 9 верасня. Аднак у суботу, 26 жніўня, пачалі з'яўляцца паведамленні, што паказы стужкі Грэты Гервіг у гэты дзень у Маскве адмяняюцца, а з чым гэта звязана, не казалі.
Верагодна, расійскія, а за імі і беларускія пракатчыкі сутыкнуліся з праблемамі, здабываючы лічбавую копію амерыканскай кінастужкі. Бо нядаўна стала вядома, што Warner Bros. Pictures перанесла лічбавы рэліз «Барбі» з 5 на 12 верасня. Таму магчыма, што пракат у Беларусі і Расіі таксама проста зрушыўся на тыдзень.
Сусветная прэм'ера «Барбі» адбылася 19 ліпеня і б'е разнастайныя рэкорды па праглядах.
Фільм «Барбі» вярнуў фразу «таксічная феміннасць» у навіны
Цяпер і Барбі можа «купляць беларускае». Mark Formelle паказаў калекцыю адзення для лялек
«Сабралася і паехала». Дзяўчына з Кобрына рванула на апошні сеанс «Барбі» ў Белай Падляшскай. Ролік з яе прыгодамі вірусіцца ў тыктоку
Фільм «Барбі» сабраў ужо мільярд даляраў у сусветным пракаце
Каментары