Цяпер і Барбі можа «купляць беларускае». Mark Formelle паказаў калекцыю адзення для лялек
Беларускі брэнд Mark Formelle выпусціў сваю самую незвычайную калекцыю — і самую маленькую, піша «Анлайнер».
Увогуле, калекцыі ўбораў для Барбі — даўняя традыцыя люксавых брэндаў. У розны час ляльку і яе сябровак апраналі Versace, Dior, Karl Lagerfeld, Ralph Lauren, Calvin Klein, Givenchy, Roberto Cavalli і Alexander McQueen. Цяпер часткай гэтай моднай гісторыі сталі і беларусы.
У лялечнай капсуле Mark Formelle — ружовыя і белыя сукенкі, спадніцы, топы, футболкі, веласіпедкі, шорты, сарафаны і джэмперы.
Барбі-калекцыя змяшчае адсылкі да папярэдніх капсул брэнда. Дызайнеры пераасэнсавалі папулярныя сезонныя мадэлі і ператварылі іх у гардэробы лялечнага сусвету.
«Для нас гэта хутчэй мастацтва: мода, як і літаратура, любіць вяртацца назад і рэфлексаваць, браць нешта культавае і рабіць яго сучасным. Так выйшла і з нашай калекцыяй для лялек. Уборы атрымаліся стыльнымі і яркімі і ахопліваюць розныя сітуацыі — ад прагулкі да рамантычнай вячэры», — распавялі ў Mark Formelle.
Купіць адзенне для Барбі нельга, але калі вельмі захочацца, то будзе можна. Усім ахвотным прапануюць пакінуць заяўкі, каб пазначыць жаданне прыбраць сваіх лялек у беларускія аўтфіты. Аўтар кожнай тысячнай заяўкі атрымае мікраадзенне ў падарунак.
Цяпер чытаюць
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне5959
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне59
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х1717
Каментары