«Сабралася і паехала». Дзяўчына з Кобрына рванула на апошні сеанс «Барбі» ў Белай Падляшскай. Ролік з яе прыгодамі вірусіцца ў тыктоку
Жыхарка Кобрына раптам вырашыла паехаць на апошні сеанс «Барбі», які ішоў у Белай Падляшскай. Чаму там? Бо гэта, тлумачыць яна, найбліжэйшы горад замежжа, дзе ішоў паказ.
У 5:55 ранкам яна выехала з Кобрына. Квіток на фільм быў на 12:20. Дзяўчына спадзявалася прайсці мяжу да гэтага часу.
З Кобрына яна дабралася да Брэста. З Брэста — рэйсавым аўтобусам. Але яе аўтобус на мяжы, кажа дзяўчына, быў дванаццатым. Яна мяркуе, што ў ім ёй бы прыйшлося стаяць суткі на мяжы і наогул не паспець на паказ. Таму яна перасела ў аўтобус, які стаяў трэцім.
Праблема была ў тым, што трэці аўтобус ішоў у Варшаву, а не ў Белую Падляшскую. Таму дзяўчыну высадзілі на трасе каля ўезда ў горад.
Хаця на мяжы вандроўніца прастаяла сем гадзін, яна паспела на сеанс на 2:55.
Але пры гэтым яна спазнілася на аўтобус Белая Падляшская — Брэст і вымушана была шукаць гатэль.
Але з гатэлем было няпроста. Аднамесных нумароў у горадзе не было. Яна кажа, што кружыла па горадзе доўга, ёй адмовіла 4 гатэлі. Гаворыць, ёй пашчасціла, і яна знайшла адзін апошні нумар аднамесны. Але вельмі стамілася.
А 8:30 наступнага дня яна паехала на Брэст. Праз тры гадзіны была дома.
І там яна даведалася «добрую навіну»: «Барбі» пакажуць у Беларусі.
«Навошта я ездзіла? За падарожжам і эмоцыямі. Ні ў якім разе не шкадую», — рэзюмуе дзяўчына.
Чытайце таксама:
Пранкер паказваў расейцам сцяг Беларусі і прасіў здагадацца, чый ён — адказы самыя нечаканыя
Чым цяпер займаюцца браты-тыктокеры, якіх затрымліваў ГУБАЗіК
Цяпер чытаюць
«Не спадабаліся прадукты на паліцы — і пішуць туды эсэмэску». МУС назвала Threads пагрозай бяспецы і заявіла пра затрыманні13
Каментары