У Мінску паставяць гіганцкі помнік Аляксандру Неўскаму. Стала вядома дзе
Помнік з'явіцца на перакрыжаванні вуліц Старавіленскай і Нававіленскай, непадалёк ад пасольства Расіі.
У Мінску на скрыжаванні Нававіленскай і Старавіленскай вуліц сёлета можа з'явіцца помнік палкаводцу Аляксандру Неўскаму. Пра гэта ў размове са «Спутнікам» заявіў пасол Расіі ў Беларусі Барыс Грызлоў.
— Ідэя будаўніцтва помніка Аляксандру Неўскаму з'явілася не так даўно. У мінулым годзе пачалі ўвасабляць гэтае рашэнне ў жыццё. Падтрымку аказаў Аляксандр Лукашэнка. Цяпер пасольства Расіі ў Беларусі займаецца гэтым праектам. Гэта будзе вялікая конная скульптура, вышыня да верхняга пункта 11,5 метра з улікам пастамента. Ідуць работы па заліванні асновы пастамента, я думаю, што мы зможам гэты помнік адкрыць сёлета, — сказаў Грызлоў.
Адзначаецца, што месца для гэтага помніка было абрана Мінскім гарвыканкамам. Гэта скрыжаванне Нававіленскай і Старавіленскай вуліц.
Помнік Аляксандру Неўскаму, які княжыў у сярэдзіне ХІІІ стагоддзя, не ўнікальны для Беларусі. Ён ёсць у Віцебску.
Цяпер чытаюць
Бабарыка зоймецца бізнэсам — ужо адкрыў кампанію ў Германіі8
Бабарыка зоймецца бізнэсам — ужо адкрыў кампанію ў Германіі
«Я стаў шчаслівы». Праца на будоўлі прыносіць добрыя грошы, а грамадская актыўнасць — маральную сілу. Былы каліновец Кусь расказаў пра тое, як вярнуў унутраную раўнавагу1313
«Я стаў шчаслівы». Праца на будоўлі прыносіць добрыя грошы, а грамадская актыўнасць — маральную сілу. Былы каліновец Кусь расказаў пра тое, як вярнуў унутраную раўнавагу13
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе1010
Каментары