«Нікол Пашынян проста зрабіў подласць». Прапагандысты адрэагавалі на сустрэчу Ціханоўскай і прэмʼера Арменіі
Падчас саміту Еўрапейскай палітычнай супольнасці ў іспанскай Гранадзе Святлана Ціханоўская паразмаўляла з прэм’ер-міністрам Арменіі Ніколам Пашынянам і міністрам замежных справаў Араратам Мірзаянам. Фота сустрэчы апублікавала прэс-служба Ціханоўскай.
Галоўны рэдактар газеты «Мінскі курʼер» Кірыл Казакоў адрэагаваў на размову Пашыняна з Ціханоўскай.
— Прэзідэнт Арменіі, якая ўваходзіць у СНД, якая ўваходзіць у ЕўрАзЭС, якая ўваходзіць у АДКБ, сустракаецца з чалавекам, які спрабаваў зладзіць путч у нашай краіне (так прапаганда называе мірныя пратэсты супраць фальсіфікацыі Лукашэнкам выбараў у 2020 годзе — НН), зрынуць законную ўладу — чалавека, які падтрымліваў армянскі народ ва ўсіх адносінах з моманту пачатку канфлікту. Нікол Пашынян проста зрабіў подласць, — сказаў Казакоў.
Гэтая сустрэча важная тым, што Арменія ўваходзіць у прарасійскую Арганізацыю Дамовы аб калектыўнай бяспецы, і яе кіраўніцтва ў 2020 годзе ў пытаннях міжнароднай палітыкі ў СНД ішло ў фарватары Крамля.
Нікол Пашынян быў адным з першых, хто ў жніўні 2020 года павіншаваў Лукашэнку з «перамогай» на сфальсіфікаваных прэзідэнцкіх выбарах.
Але ў сувязі з тым, што Расія і АДКБ адмовіліся нечым дапамагаць Арменіі ў сітуацыі, калі Азербайджан вырашыў развязаць даўні тэрытарыяльны канфлікт у Нагорным Карабаху сілавымі метадамі, адбываецца фактычна сыход Арменіі з расійскай сферы ўплыву. І гэта сустрэча — адзін з сімвалічных яго індыкатараў.
У Гранадзе Пашынян сустрэўся таксама з прэзідэнтам Украіны Уладзімірам Зяленскім.
-
«Заробак стартаваў з $440». Беларускі расказалі, як працуюць і зарабляюць на Блізкім Усходзе
-
Прадстаўніца Акадэміі навук раскрыла ўзровень нараджальнасці ў Беларусі. Ён жахліва нізкі
-
«Рукі прэч ад сасісачак!». У сацсетках горача абмяркоўваюць барацьбу Лукашэнкі з кавай на запраўках. Некаторыя заклікаюць дзейнічаць больш жорстка
«Ведаеце, як каментуе ваша затрыманне апазіцыя? «Арыштаваны памагаты рэжыму». Турэмная споведзь лідара прафсаюзаў Ярашука1
Каментары
Ураджэнец Беларусі Мацей Аляксандравіч Сулькевіч (1865—1920) — нацыянальны герой Азербайджана, а у Лукашэнкі гэта вораг, як і ўсе іншыя дзеячы якія змагаліся за незалежнасць сваёй краіны ад клятай Масковіі. Сцяг татараў у Беларусі лукашысты лічаць "экстрэмістскім", а народ Беларусі шануе сцяг беларускіх татар, як і свой нацыянальны сцяг. Лука вораг Беларусі, вораг Азербайджана, як і вораг Арменіі і ўсіх суседзяў. Лука - гаўляйтар Масковіі і манкурт які не ведае ні свайго роду, ні гісторыі свайго народу, які прымае выключна тое што кажа яму масква і які ліжа маскоўскія боты і уласаўскі трыкалор.