Hienštab USU: Rasijskija vojski aktyvizavali nastup u rajonie Aŭdziejeŭki i Pieršamajskaha ŭ Danieckaj vobłaści
Hienieralny štab Uzbrojenych sił Ukrainy ŭ zvodcy ranicaj 11 kastryčnika paviedamiŭ, što za minułyja sutki rasijskija vojski pačali bolš aktyŭna nastupać na aŭdziejeŭskim kirunku.
Praciŭnik siłami da troch bataljonaŭ pry padtrymcy tankaŭ i braniravanych mašyn aktyvizavaŭ nastupalnyja dziejańni ŭ rajonach Aŭdziejeŭki, Tonieńkaha, Kieramika i Pieršamajskaha Danieckaj vobłaści.
Ukrainskija vajskoŭcy adbili ŭsie ataki i nie dapuścili strat miežaŭ i pazicyj. Hienštab USU taksama paviedamiŭ, što ŭ cełym za sutki na ŭsioj linii frontu było zafiksavana 108 bojesutyknieńniaŭ, što značna bolš, čym u siarednim za apošnija dni.
Avijacyjnym udaram padvierhlisia: Blešnia Čarnihaŭskaj vobłaści; Bačeŭsk i Papoŭka Sumskaj vobłaści; Basovaje, Hacišča, Vaŭčanskija Chutary, Sińkoŭka, Kisłaŭka, Piasčanaje Charkaŭskaj vobłaści; Sierabranskaje laśnictva, Navalubaŭka Łuhanskaj vobłaści; Časaŭ Jar, Kleščejeŭka, Andrejeŭka, Bierdzičy, Aŭdziejeŭka, Novamichajłaŭka, Staramajorskaje Danieckaj vobłaści; Małaja Takmačka, Novadaniłaŭka Zaparožskaj vobłaści.
Pad artyleryjskim ahniom apynułasia bolš za 130 nasielenych punktaŭ Čarnihaŭskaj, Sumskaj, Charkaŭskaj, Łuhanskaj, Danieckaj, Zaparožskaj i Chiersonskaj abłaściej.
Ciapier čytajuć
U Poznani hiniekołah vydaliŭ 24‑hadovaj biełaruscy matku i jaječniki bieź jaje zhody. Jamu pahražaje da 20 hadoŭ turmy21
Kamientary