Ратавальнікі далі некалькі парадаў, як выйсці з такой сітуацыі.
Здарэнне адбылося днём у нядзелю. Ратавальнікам паступіла паведамленне, што гарыць кватэра на дзявятым паверсе ў шматпавярховіку на вуліцы Айчыннай, паведамляе МНС.
Як распавялі гаспадары, яны паставілі тэлефон зараджацца і выйшлі ў кухню. Праз некаторы час пачулі хлапок і пабачылі, што ў пакоі гарыць канапа.
Яны неадкладна выйшлі на вуліцу і паведамілі пра здарэнне ў МНС. Ратавальнікі ліквідавалі пажар. Эвакуацыя жыхароў з пад'езда не спатрэбілася.
Аднак агнём была знішчаная маёмасць у пакоі, закураныя сцены і столь у кватэры. Імаверна, прычынай здарэння стала кароткае замыканне зараднай прылады.
У МНС рэкамендуюць, каб пазбегнуць так званых электрычных пажараў, не перагружаць сетку. У адну разетку ўключаць толькі адзін электрапрыбор. У выпадку загарання дастаць вілку з разеткі або выключыць засцерагальнікі на лічыльніку. Толькі пасля гэтага можна заліць полымя вадой або накінуць на яго шчыльную коўдру.
Калі самастойна справіцца з пажарам не можаце — выклікайце ратавальнікаў па нумарах 101 або 112.
Чытайце таксама:
У жыхара Гомеля мабільнік загарэўся проста ў машыне. Мужчына атрымаў апёкі
У цэнтры Астраўца згарэў пункт продажу шаўрмы ВІДЭА
Цяпер чытаюць
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары