Дзяніса Хахлова, якога затрымалі ў Кабардзіна-Балкарыі і выдварылі з Расіі, будуць судзіць за ўдзел у пратэстах
Дзяніс родам з Круглага, ён айчым асуджанага за ўдзел у пратэстах Уладзіслава Лагуценкі, піша «Вясна».
Мужчына жыў у Расіі з лютага 2023 года, куды з'ехаў ад пераследу ў Беларусі. З Расіі ён збіраўся пераехаць у Грузію, але 11 чэрвеня быў затрыманы ў Кабардзіна-Балкарыі праз тое, што знаходзіўся ў міждзяржаўным вышуку на запыт Беларусі.
На час праверкі яго змясцілі ў ІЧУ, аднак пракуратура прыйшла да высновы, што ягоныя дзеянні не лічацца злачынствам на тэрыторыі Расіі.
Але мужчыну не вызвалілі і склалі адміністрацыйны пратакол за перавышэнне тэрміну знаходжання ў Расіі без рэгістрацыі. Суд прызначыў яму адміністрацыйнае выдварэнне ў Беларусь.
Стала вядома, што 26 кастрычніка ў Шклове Дзяніса Хахлова пачнуць судзіць за ўдзел у акцыях пратэсту (арт. 342 КК). Справу будзе разглядаць суддзя Аляксандр Тараканаў.
Падтрымайце мужчыну грашовымі пераводамі і пасылкамі: Турма № 4, 212011, г. Магілёў, вул. Крупскай, 99А.
Цяпер чытаюць
Вось якое хараство за 40 мільёнаў даляраў прадае сябар-трэнер Лукашэнкі1
Вось якое хараство за 40 мільёнаў даляраў прадае сябар-трэнер Лукашэнкі
«Паставілі палаткі, развялі вогнішчы». МУС пацвердзіла затрыманне 350 чалавек пад Расонамі. Знайшлі і аргумент: «Многія ў голым выглядзе перад малалетнімі»1010
«Паставілі палаткі, развялі вогнішчы». МУС пацвердзіла затрыманне 350 чалавек пад Расонамі. Знайшлі і аргумент: «Многія ў голым выглядзе перад малалетнімі»10
У Шэймана знайшлі яшчэ адну магчымую каханку і сына. Сакратарка без вышэйшай адукацыі за лічаныя гады стала ўласніцай раскошных дамоў і гандлёвага цэнтра2828
Каментары