Магілёвец атрымаў тры гады калоніі за выяву Лукашэнкі ў форме СС
7 верасня суд Кастрычніцкага раёна прысудзіў 30-гадовага жыхара Магілёва Арцёма Лапікава да рэальнага пазбаўлення волі за допіс у інстаграме.
Пасля выбараў у жніўні 2020 года Лапікаў размясціў у сябе на старонцы допіс з фатаграфіяй Аляксандра Лукашэнкі ў нацысцкай форме СС. Публікацыя суправаджалася вершам, тэкст якога невядомы, піша Mayday.team.
Мужчыну абвінавацілі ў паклёпе на Лукашэнку (арт. 367 КК). Суд прызнаў яго вінаватым і прызначыў тры гады калоніі. Суддзёй на працэсе выступіла Жанна Пушкіна.
У лютым 2023 года Арцёма Лапікава затрымлівалі паводле арт. 19.11 КаАП. Тады яму далі 15 сутак. Мяркуецца, што сілавыя структуры пасля гэтага сталі пільна вывучаць яго сацыяльныя сеткі. У выніку ў пачатку жніўня ён зноў быў затрыманы і змешчаны пад варту ўжо ў рамках крымінальнага працэсу.
У Магілёве Лапікаў працаваў рабочым на будоўлі.
Каментары
Народ должен знать!