Грамадства66

«Прыходжу да высновы, што пастанова суддзі падлягае змене». Абласны суд у Віцебску нечакана адмяніў рашэнне аб канфіскацыі тэлефона за бчб-аватарку

У жніўні міліцыянты затрымалі жыхара Віцебска за выяву бел-чырвона-белага сцяга ў сацсетцы. Мужчыну прысудзілі «суткі» і ў дадатак канфіскавалі тэлефон як «сродак злачынства». Але нядаўна ў сітуацыю вырашыў умяшацца абласны суд, і ягонае рашэнне было нечаканым, заўважыла «Люстэрка».

Будынак Віцебскага абласнога суда. Фота: Яндэкс.Карты

Пратакол аб «незаконным пікетаванні» на мужчыну за бела-чырвона-белую сімволіку ў профілі ў фэйсбуку склалі ў Верхнядзвінскім РАУС і перадалі яго ў суд Верхнядзвінскага раёна.

«Выказваючы грамадска-палітычныя, асабістыя і іншыя інтарэсы, публічна размясціў фатаграфію з выявай сцяга бел-чырвона-белага колеру ў адкрытым доступе на сваёй агульнадаступнай старонцы», — гаворыцца ў пратаколе.

На аватарцы ў мужчыны было ягонае сямейнае фота з жонкай і дзіцем, да якога была дададзеная рамка са сцягам Украіны і беларускім бел-чырвона-белым сцягам.

Мужчына на судзе прызнаў, што размяшчаў такое фота, але падкрэсліў, што не меў пры гэтым мэты пікетаваць. Але суд з гэтым не пагадзіўся і прызнаў віцябляніна вінаватым.

У выніку чалавеку прысудзілі 10 сутак адміністрацыйнага арышту, таксама суд пастанавіў канфіскаваць тэлефон як сродак здзяйснення адміністрацыйнага правапарушэння. Гэта адбылося яшчэ 22 жніўня. Віцяблянін не абскарджваў рашэння суда, адбыў арышт і не стаў змагацца за тэлефон.

Але пазней здарылася нечаканае. У сярэдзіне кастрычніка справа трапіла на стол да намесніка старшыні Віцебскага абласнога суда, хоць ніхто нібыта не падаваў скаргі або пратэсту. І судовы чыноўнік прыняў парадаксальнае для беларускай сістэмы рашэнне: «Вывучыўшы матэрыялы справы, прыходжу да высновы, што пастанова суддзі падлягае змене».

Аказваецца, прызначаць пакаранне па КаАП можна толькі ў межах санкцыі артыкула, а артыкул 24.23 не прадугледжвае канфіскацыі сродку здзяйснення правапарушэння. То-бок тэлефон у віцябляніна канфіскавалі незаконна.

Таму намеснік старшыні аблсуда пастанавіў змяніць першапачатковае рашэнне, выкрасліўшы з яго канфіскацыю, і вярнуць тэлефон уладальніку. Калі ж вяртанне немагчымае, то яму павінны кампенсаваць кошт тэлефона са сродкаў Дэпартамента гуманітарнай дзейнасці Кіраўніцтва справамі Лукашэнкі.

Каментары6

  • дзядок
    25.10.2023
    То бок, калі б "правапарушальнік" з'явіўся ў публічнай прасторы з рэальным б-ч-б сцягам, то паводле заканадаўства канфіскаваць сцяг у яго нельга?
    Хаця, пра якія законы ў Беларусі гаворка...
  • Кажан
    25.10.2023
    Які "чэсны"судзьдзя" папаўся. Цікава з чаго б гэта? Ніколі не паверу, што з-за незаконнасьці дзейнасьці ніжэйстаячага "суда" і міласэрнасьці. Відавочна, што маюць нейкі свае мэты альбо "судзьдзі" хутка на пэнсію і ён хоча хоць як выйсьці з гэтага "белым і пушыстым".
  • хм
    25.10.2023
    а вось гэта цікава, паглядзім

Цяпер чытаюць

Супраць 78-гадовай Ніны Багінскай завялі крымінальную справу

Супраць 78-гадовай Ніны Багінскай завялі крымінальную справу

Усе навіны →
Усе навіны

Памерла Кацярына Ягорава (Несцяровіч)

Моцны вецер пашкодзіў дахі, паваліў дзясяткі дрэваў — МНС расказала пра наступствы ўчорашняй буры

Албанія вярнула бязвіз для беларусаў на пэўных умовах

Сямідзённае ласянятка адстала ад мамы ласіхі і прыбілася да статка кароў у Пастаўскім раёне2

Пакістанцы ўжо працуюць у Беларусі. Відэа з Бабруйску з імі абляцела тыкток37

Ваюючы за Расію, загінуў былы работнік мінскага ГУМа3

«Чырвоныя лініі»: Трамп адказаў, пры якіх умовах ЗША выйдуць з перамоў адносна вайны

Стала вядома, што цяпер адбываецца з палітвязнем Юрасём Зянковічам, якога вызвалілі па просьбе ЗША24

Ультраправы палітык перамог у першым туры перавыбараў у Румыніі. У яго ажно 41%27

больш чытаных навін
больш лайканых навін

Супраць 78-гадовай Ніны Багінскай завялі крымінальную справу

Супраць 78-гадовай Ніны Багінскай завялі крымінальную справу

Галоўнае
Усе навіны →

Заўвага:

 

 

 

 

Закрыць Паведаміць