Амаль усе статкі зуброў цягам кастрычніка выйшлі з Белавежскай пушчы на адкрытыя ўгоддзі. Пра гэта паведаміў навуковы аддзел Нацыянальнага парку.
Як растлумачылі навукоўцы, месцы дыслакацыі зуброў у Белавежскай пушчы змяняюцца па сезонах.
«З надыходам восеньскіх халадоў лясныя ўчасткі, дзе жывуць гэтыя жывёлы, паступова змяняюцца на пашавыя і іншыя даступныя тэрыторыі. Абумоўлена гэта тым, што ў зімовы час года ў лесе для такіх буйных жывёл недастаткова натуральных кармоў, і яны вымушаныя шукаць яго на палях і сенажацях», — расказалі ў Нацпарку.
Зубры будуць знаходзіцца за межамі лясных масіваў усю зіму і раннюю вясну. У тым ліку яны будуць «пад'ядаць» рэшткі цукровых буракоў, кукурузныя катахі і нават пасевы азімых. Толькі ў маі, са з'яўленнем у лесе травяністага корму, жывёлы вернуцца ў свае традыцыйныя месцы пражывання.
Як адзначылі ў Нацпарку, такая заканамернасць у жыцці белавежскіх зуброў адзначаецца з году ў год. Пры гэтым каля 20% усіх белавежскіх зуброў застаецца зімаваць у лясах на месцах іх зімовай падкормкі.
На пачатак гэтага года ў Нацыянальным парку «Белавежская пушча» налічвалася 730 зуброў (на 27 больш, чым летась).
«Выскачыць на вуліцу ў кароткіх спаднічках — гэта вы маглі. І ўсіх гвалтавалі там». Лукашэнка ўспомніў кіношнікам 2020-ы і заклікаў спыніцца16
Каментары