Стала вядома, як Лукашэнка адрэагаваў на адмову Пашыняна прыехаць на Раду АДКБ — параіў таму сур’ёзна падумаць
У Мінску распавялі пра рэакцыю Лукашэнкі на адмову Пашыняна прыехаць на сесію Рады калектыўнай бяспекі АДКБ, якая пройдзе 23 лістапада ў Беларусі.
Як распавяла прэс-сакратар Наталля Эйсмант, Лукашэнка спакойна паставіўся да адмовы прэмʼера Арменіі Нікола Пашыняна ад прыезду на саміт АДКБ у Мінск, але «прапанаваў не прымаць паспешных рашэнняў».
Паводле слоў Эйсмант, Лукашэнка
«прапанаваў прэмʼер-міністру Арменіі не спяшацца, не прымаць паспешных рашэнняў, а сурʼёзна абдумваць наступныя крокі, якія могуць быць накіраваныя на дэзынтэграцыю».
Арменія ўваходзіць у прарасійскую Арганізацыю Дамовы аб калектыўнай бяспецы, і яе кіраўніцтва ў 2020 годзе ў пытаннях міжнароднай палітыкі ў СНД ішло ў фарватары Крамля.
Нікол Пашынян быў адным з першых, хто ў жніўні 2020 года павіншаваў Лукашэнку з «перамогай» на сфальсіфікаваных прэзідэнцкіх выбарах.
Але ў сувязі з тым, што Расія і АДКБ адмовіліся нечым дапамагаць Арменіі ў сітуацыі, калі Азербайджан стаў вырашаць даўні тэрытарыяльны канфлікт у Нагорным Карабаху сілавымі метадамі, адбываецца фактычны сыход Арменіі з расійскай сферы ўплыву.
Цяпер чытаюць
«Шматпартыйнасць, плюралізм меркаванняў — гэта брахня, заходняя брахня». Лукашэнка разглядае канстытуцыйнае вяртанне да савецкай сістэмы72
«Шматпартыйнасць, плюралізм меркаванняў — гэта брахня, заходняя брахня». Лукашэнка разглядае канстытуцыйнае вяртанне да савецкай сістэмы
Беларускія абрады, арнаменты і беларуская мова паўсюль. Як нашчадак перасяленцаў зрабіў сяло каля Байкала зноў беларускім, і чаму гэта можа хутка скончыцца1414
Каментары