«Ён той хлопец, які кіруе краінай, што з'яўляецца камуністычнай і заснаванай на форме праўлення, цалкам адрознай ад нашай», — сказаў прэзідэнт ЗША.
Прэзідэнт ЗША Джо Байдэн заявіў, што па-ранейшаму лічыць свайго кітайскага калегу Сі Цзіньпіна дыктатарам, кінуўшы цень на вынікі сустрэчы з кіраўніком КНР, якую СМІ назвалі прадукцыйнай, піша Bloomberg.
Па завяршэнні сваёй прэс-канферэнцыі ў сераду Байдэн адказаў на пытанне амерыканскага журналіста аб тым, ці падтрымлівае ён зроблены ім у чэрвені каментар, у якім ён назваў Сі Цзіньпіна дыктатарам. Улетку гэтая заўвага была асуджана МЗС Кітая, якое назвала каментар «абсурдным» і «правакацыяй».
«Ну, глядзіце, так яно і ёсць», — сказаў Байдэн у сераду. «Я маю на ўвазе, што ён дыктатар у тым сэнсе, што ён той хлопец, які кіруе краінай, якая з'яўляецца камуністычнай і заснаванай на форме праўлення, цалкам адрознай ад нашай».
Гэта заўвага можа падарваць поспехі, дасягнутыя ў ходзе чатырохгадзінных перамоваў паміж прэзідэнтамі Кітая і ЗША. Байдэн сказаў, што дзве краіны прыйшлі да важных пагадненняў аб барацьбе з распаўсюджваннем фентанілу, аднаўленні сувязі паміж вайскоўцамі на найвышэйшым узроўні і ўсталяванні ўзаемаразумення, пры якім любы лідар можа наўпрост патэлефанаваць іншаму, каб ліквідаваць любое непаразуменне.
«Я лічу, што гэта былі адны з самых канструктыўных і прадукцыйных дыскусій, якія ў нас былі», — сказаў раней Байдэн.
Цяпер чытаюць
У базе сілавікоў «БЕСпарадкі» больш за 100 тысяч чалавек22
У базе сілавікоў «БЕСпарадкі» больш за 100 тысяч чалавек
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3939
Каментары