Джокавіч першым у гісторыі пачаў 400-ы тыдзень на першым радку рэйтынга. Проста найлепшы
У нядзелю сербскі тэнісіст стаў пераможцам выніковага турніру ATP (Асацыяцыі тэнісістаў-прафесіяналаў) у Турыне, перамогшы ў фінале італьянца Яніка Сінера — 6:3, 6:3.
Серб Новак Джокавіч пачаў рэкордны 400-ы тыдзень на першым радку рэйтынгу Асацыяцыі тэнісістаў-прафесіяналаў (ATP).
Ён стаў першым чалавекам, які пераадолеў гэтую мяжу. У жаночай частцы тэніса даўжэй за ўсіх першай ракеткай свету была немка Штэфі Граф — 377 тыдняў. У мужчынскім да Джокавіча быў швейцарац Роджэр Федэрэр (310 тыдняў).
Таксама Новак восьмы раз завяршыў сезон у якасці першага нумара сусветнага рэйтынгу.
Беларуска Арына Сабаленка пратрымалася на першым радку рэйтынга восем тыдняў, на які па выніках жаночага выніковага турніру вярнулася Іга Свёнтак.
Вікторыя Азаранка ў 2012-2013 гадах сумарна пратрымалася першай ракеткай свету 52 тыдні.
Каментары