Фінляндыя збіраецца цалкам закрыць мяжу з Расіяй, перамовы не далі выніку
Крыніца ва ўрадзе Фінляндыі паведаміла, што закрыццё мяжы з Расіяй можа адбыцца ўжо 22 лістапада. Усяго на расійска-фінскай мяжы дзейнічаюць дзевяць КПП, але пяць з іх былі раней ужо закрытыя.
Рашэнне аб закрыцці мяжы можа быць прынята фінскім урадам ужо ў найбліжэйшы час.
Перад гэтым Фінляндыя абмеркавала з Расіяй сітуацыю з некантраляваным прыбыццём бежанцаў на расійска-фінскую мяжу, аднак перамовы па дыпламатычных каналах не далі выніку, заявіў прэм'ер краіны Петэры Орпа.
Паводле слоў фінскага прэм'ера, ягоная краіна мае доказы, што расійскія ўлады наўмысна прапускалі мігрантаў з Сірыі, Самалі, Ірака, Емена і іншых краін без належных дакументаў.
«Ёсць прыкметы, што гэтая дзейнасць носіць арганізаваны характар», — падкрэсліў Орпа.
Адказваючы на пытанне аб магчымасці поўнага закрыцця мяжы з Расеяй, Орпа сказаў, што ў выпадку, калі падзеі працягнуць развівацца падобным чынам, Фінляндыя «гатовая хутка прыняць пастанову». Ён таксама дадаў, што «для ўсіх было б лепш», калі б сітуацыя вярнулася на той узровень, на якім была да абмежаванняў.
Акрамя закрыцця прапускных пунктаў, Фінляндыя накіравала на мяжу вайскоўцаў. Яны будуць дапамагаць будаваць часовыя агароджы для прадухілення несанкцыянаваных пранікненняў на тэрыторыю краіны.
Цяпер чытаюць
Лукашэнка пра паветраныя шары з Беларусі: Я размаўляў з лётчыкамі, для самалётаў ніякай праблемы няма8
Лукашэнка пра паветраныя шары з Беларусі: Я размаўляў з лётчыкамі, для самалётаў ніякай праблемы няма
«Быў галодны, як з Асвенціма, не еў ні мяса, ні гародніны». Што вядома пра смерць бабруйскага журналіста, на якога завялі крымінальную справу ў Польшчы2323
Каментары