«Мір з ХАМАС немагчымы, і яны адкрыта заявілі аб гэтым», — сказаў Марк Рэгеў, які займаў да нядаўняга часу пасаду пасла Ізраіля ў Лондане.
Паняцці «мір» і ХАМАС не спалучаюцца адно з другім, заявіў Марк Рэгеў, высокапастаўлены ізраільскі дыпламат, які займае пасаду старшага дарадцы ўрада краіны, піша Бі-бі-сі.
«Мір з ХАМАС немагчымы, і яны адкрыта заявілі аб гэтым», — сказаў Марк Рэгеў, які займаў да нядаўняга часу пасаду пасла Ізраіля ў Лондане.
Відаць, Рэгеў меў на ўвазе выказванне афіцыйнага прадстаўніка ХАМАС, які ў нядаўнім інтэрв'ю газеце New York Times заявіў, што групоўка разлічвае на тое, што вайна з Ізраілем «стане перманентнай на ўсіх межах».
«І менавіта таму ізраільская грамадскасць на 100% адзіная ў тым, што мы не жадаем больш жыць побач з гэтым анклавам тэрору на нашай паўднёвай мяжы. І мы павінны казаць пра будучыню без ХАМАС», — сказаў дыпламат.
Адказваючы на пытанне, ці будзе Ізраіль падтрымліваць аднаўленне сектара Газа, чыя інфраструктура зведала сур'ёзныя разбурэнні за час вайны з Ізраілем, Рэгеў сказаў, што бюджэт яго краіны арыентаваны на аднаўленне населеных пунктаў на поўдні Ізраіля, спустошаных у выніку нападу палесцінскіх баевікоў.
Паводле слоў дыпламата, ён разлічвае на тое, што шматлікія міжнародныя партнёры будуць гатовы фінансаваць работы па аднаўленні сектара Газа.
«Гэта не абавязкова павінны быць ізраільскія грошы… Гэта вайна, якую не мы пачалі ці да якой мы імкнуліся, як вы ведаеце. Адказнасць за пачатак баявых дзеянняў нясе ХАМАС», — дадаў ён.
Цяпер чытаюць
Работнікам Цэнтра алімпійскай падрыхтоўкі па фрыстайле забаранілі ісці на пахаванне Мікалая Казекі16
Работнікам Цэнтра алімпійскай падрыхтоўкі па фрыстайле забаранілі ісці на пахаванне Мікалая Казекі
У Беларусі зацвердзілі правілы эвакуацыі каштоўнасцяў на выпадак вайны: цэглу з Брэсцкай крэпасці з надпісамі будуць ратаваць перш за карціны Шагала і Суціна1515
Каментары