Лукашэнка сказаў Сі Цзіньпіну, што Беларусь была, ёсць і будзе надзейным партнёрам для Кітая
У нядзелю Лукашэнка прыбыў з працоўным візітам у Кітай.
Ён заявіў падчас сустрэчы, што рады абмеркаваць з кітайскім кіраўніком актуальныя пытанні супрацоўніцтва, паведамляе БелТА.
«І, як гэта заўсёды было паміж намі, выказаць свой пункт гледжання на тыя ці іншыя праблемы міжнародных адносін. Развіццё ўсебаковага стратэгічнага супрацоўніцтва Беларусі і Кітая вызначана адзінствам нашых ідэалогій і самой логікай сусветных падзей і працэсаў, якія адбываюцца сёння», — сказаў Аляксандр Лукашэнка.
Ён таксама падкрэсліў, што гістарычнае павышэнне ўзроўню адносін надало магутны імпульс паглыбленню традыцыйных напрамкаў, дало старт новым вектарам і механізмам супрацоўніцтва.
«Беларусь была, ёсць і будзе надзейным партнёрам для Кітая. Думаю, ужо нікога ў Кітаі ў гэтым не трэба пераконваць. Усё гэта было на маіх вачах на працягу апошніх 30 гадоў, і нават больш: у першы раз я прыехаў у Кітай, будучы дэпутатам парламента», — заявіў Лукашэнка.
«У нас вялікі вопыт, мы ведаем, што трэба нашым краінам. І мы вельмі шмат у гэтым плане зрабілі», — дадаў ён.
Цяпер чытаюць
ГУБАЗіК выклаў дыскрэдытуючае фота затрыманага, які «прапагандаваў нацызм». Але на здымку скандальны Z-блогер5
Каментары