Кіеў пераходзіць да стратэгічнай абароны пасля таго, як не змог дамагчыся вызвалення вялікіх тэрыторый падчас летняга контрнаступу.
Украіна, магчыма, не зможа правесці новы буйны наступ да 2025 года, гаворыцца ў матэрыяле газеты The Wall Street Journal, яго сутнасць пераказвае Бі-бі-сі.
Украіна пераходзіць да стратэгічнай абароны пасля таго, як не змагла дамагчыся вызвалення вялікіх тэрыторый падчас летняга наступу 2023 года, піша выданне.
Пры гэтым эканамічная і ваенная падтрымка з боку ЗША і Еўропы аказалася пад пытаннем, а ў самой Украіне ўзніклі палітычныя рознагалоссі.
«Здольнасць Украіны вярнуць сабе больш значную частку сваёй тэрыторыі цяпер знаходзіцца пад пытаннем, у той час як перавод Пуціным эканомікі на ваенныя рэйкі ўмацаваў яго пазіцыі на вайне, а ў апошні час і ў дыпламатычнай сферы», — гаворыцца ў артыкуле.
Украіна моцна знясіленая вайной, і ёй патрэбны час для аднаўлення.
Артыкул быў напісаны ва ўкраінскім горадзе Ліман, і ў яго рэпартажнай частцы гаворыцца аб тым, што на гэтым участку фронту і ўкраінскія, і расійскія войскі рыхтуюцца да працяглай абароны, робячы доўгія і глыбокія акопы і ўзводзячы іншыя фартыфікацыйныя збудаванні.
Аднак такая пазіцыйная вайна не азначае, што бакі не будуць праводзіць манеўраныя аперацыі, акрамя таго, застаецца марскі тэатр ваенных дзеянняў, зазначаюць аўтары артыкула.
У любым выпадку зараз канчаткова стала зразумела, што вайна будзе доўгай.
Цяпер чытаюць
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу5
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1818
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх18
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары