Kijeŭ pierachodzić da stratehičnaj abarony paśla taho, jak nie zmoh damahčysia vyzvaleńnia vialikich terytoryj padčas letniaha kontrnastupu.
Ukraina, mahčyma, nie zmoža pravieści novy bujny nastup da 2025 hoda, havorycca ŭ materyjale haziety The Wall Street Journal, jaho sutnaść pierakazvaje Bi-bi-si.
Ukraina pierachodzić da stratehičnaj abarony paśla taho, jak nie zmahła damahčysia vyzvaleńnia vialikich terytoryj padčas letniaha nastupu 2023 hoda, piša vydańnie.
Pry hetym ekanamičnaja i vajennaja padtrymka z boku ZŠA i Jeŭropy akazałasia pad pytańniem, a ŭ samoj Ukrainie ŭźnikli palityčnyja roznahałośsi.
«Zdolnaść Ukrainy viarnuć sabie bolš značnuju častku svajoj terytoryi ciapier znachodzicca pad pytańniem, u toj čas jak pieravod Pucinym ekanomiki na vajennyja rejki ŭmacavaŭ jaho pazicyi na vajnie, a ŭ apošni čas i ŭ dypłamatyčnaj śfiery», — havorycca ŭ artykule.
Ukraina mocna źniasilenaja vajnoj, i joj patrebny čas dla adnaŭleńnia.
Artykuł byŭ napisany va ŭkrainskim horadzie Liman, i ŭ jaho repartažnaj častcy havorycca ab tym, što na hetym učastku frontu i ŭkrainskija, i rasijskija vojski rychtujucca da praciahłaj abarony, robiačy doŭhija i hłybokija akopy i ŭzvodziačy inšyja fartyfikacyjnyja zbudavańni.
Adnak takaja pazicyjnaja vajna nie aznačaje, što baki nie buduć pravodzić manieŭranyja apieracyi, akramia taho, zastajecca marski teatr vajennych dziejańniaŭ, zaznačajuć aŭtary artykuła.
U lubym vypadku zaraz kančatkova stała zrazumieła, što vajna budzie doŭhaj.
Ciapier čytajuć
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski2
Kamientary