Карпянкоў адрэагаваў на канферэнцыю каліноўцаў: Мы нават сабак не прыводзілі ў баявую гатоўнасць
Намеснік міністра ўнутраных спраў Беларусі і камандуючы ўнутранымі войскамі Мікалай Карпянкоў прыгразіў добраахвотнікам, што ваююць за Украіну.
29 лістапада ў Кіеве прайшла канферэнцыя, на якой сабраліся розныя апазіцыйныя сілы: каліноўцы, прадстаўнікі Інтэрнацыянальнага легіёна УСУ, рух «Вольная Беларусь» з Зянонам Пазняком, Офіс Святланы Ціханоўскай і іншыя.
«Там кажуць, што нейкі з’езд прайшоў, недзе рыхтуюцца да нейкага ўварвання, што там аб’ядноўваюцца вакол 15 ці 20 каліноўцаў нейкія апазіцыйныя сілы. Вы ведаеце, гэта настолькі не адбіваецца на нашай баявой гатоўнасці. Мы нават сабак не прыводзілі ў баявую гатоўнасць з нагоды таго, што недзе там сабраліся. Сунуцца — яны атрымаюць», — заявіў Карпянкоў на СТБ.
«Няхай іх нават 200, яны вельмі хутка скончацца. Адзін-два баі», — дадаў ён.
Прапаганда пры гэтым ужо тыдзень абмяркоўвае, як на той канфэрэнцыі планавалі «штурмаваць Беларусь».
«Альбо вялікі гонар, альбо вялікая ганьба». Што адбывалася на канферэнцыі палка Каліноўскага па стратэгіях вызвалення Беларусі
Тры праўладныя колы, два падуладныя класы, некалькі вялікіх груп… Сацыёлаг разважае над сучаснай структурай беларускага грамадства і патрабаваннямі да розных груп
У Беларусі фарміруецца ўжо шостае новае падраздзяленне спецназа — Карпянкоў
Цяпер чытаюць
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары