У Гомелі затрымалі студэнта Кастуся Тэнца, які вучыцца ў Беларускім дзяржаўным універсітэце транспарту. Пра гэта праваабаронцам паведамілі аднакурснікі Кастуся, піша «Палеская вясна».
Затрыманне, імаверна, адбылося 8 снежня. Прычыны яго на гэты час невядомыя. Пры гэтым ужо пасля затрымання хлопца нехта заходзіў на ягоную старонку ў сацыяльнай сетцы УКантакце.
Кастусь Тэнц родам з Рэчыцы. Яшчэ ў дзяцінстве ён быў вядомы сваімі перамогамі ў розных відах спорту. У 2019 годзе зацікавіўся беларускай мовай, наведваў курсы Мова Нанова ў Рэчыцы, перайшоў на беларускую мову і сам. Пасля паступіў у БелДУТ.
Як расказалі аднакурснікі Кастуся, ён часта ва ўніверсітэце ладзіў розныя акцыі для прапаганды беларускай мовы — віктарыны, дыскатэкі з беларускамоўнымі песнямі, экскурсіі ў адметныя беларускія месцы і ў родныя мясціны выбітных беларускіх дзеячаў.
У верасні, паводле аповеду аднакурснікаў, Кастусь арганізаваў ва ўніверсітэце Тыдзень беларускай мовы. Тады на вялікім экране на ўваходзе ў корпус дэманстравалася афіша, што праходзіць гэты тыдзень, а ўсіх студэнтаў у холе сустракаў Кастусь з заданнямі па беларускай прафесійнай лексіцы кожнага факультэта.
Усе мерапрыемствы ўзгадняліся ажно з двума прарэктарамі — па выхаваўчай рабоце і па бяспецы.
Тамара Віннікава прадала свой лонданскі дом, завешаны карцінамі самой сябе ШМАТ ФОТА23
Каментары