Зяленскі паведаміў, якія краіны падаюць Украіне новыя пакеты падтрымкі
Уначы 15 снежня прэзідэнт Уладзімір Зяленскі звярнуўся да ўкраінцаў са Львова і паведаміў пра новыя пакеты падтрымкі ад розных краін, піша «Украінская праўда».
«Я вярнуўся ва Украіну, цяпер у Львове з рашэннем па Еўрасаюзе і іншымі рэчамі, якія ўзмоцняць супрацьпаветраную абарону. Пакетаў падтрымкі таксама будзе больш. Быў добры саміт з паўночнымі краінамі…», — сказаў ён.
«Моцныя рашэнні: Данія — пакет на мільярд даляраў для абароны неба, артылерыя, шмат чаго яшчэ. Нарвегія: новы пакет на больш як 400 мільёнаў даляраў, у прыватнасці СПА. Фінляндыя таксама рыхтуе новы пакет. Ісландыя рыхтуе праграму доўгатэрміновай фінансавай падтрымкі — вельмі важкую. Швецыя — таксама новы пакет».
Таксама Зяленскі сказаў пра «моцныя заявы саміту» і пра тое, што гэта «яшчэ адзін палітычны снарад, які набліжае перамогу».
Цяпер чытаюць
Пісьменніца Таццяна Заміроўская расказала пра новую кнігу, сны пра Лукашэнку, кошт жыцця ў Нью-Ёрку і тое, чаму злуе на некаторых беларусаў9
Каментары