Яшчэ адзін прысуд за фінансаванне палка Каліноўскага. Пяць гадоў калоніі за 1200 рублёў данатаў
Мінскі абласны суд вынес прысуд па справе за фінансаванне палка Каліноўскага.
Абвінавачванне было выстаўлена па ч. 2 арт 361-3 Крымінальнага кодэкса (фінансаванне дзейнасці па вярбоўцы, навучанні, іншай падрыхтоўцы для ўдзелу на тэрыторыі замежнай дзяржавы ва ўзброеным фарміраванні аднаго з супрацьлеглых бакоў, ва ўзброеных канфліктах, ваенных дзеяннях).
З паведамлення пракуратуры аб вынесеным прысудзе вынікае, што абвінавачаны адправіў на адрас палка 10 банкаўскіх пераводаў на суму большую за 1200 рублёў.
Яму прызначана пакаранне ў выглядзе пазбаўлення волі на тэрмін 5 гадоў з адбываннем у папраўчай калоніі ва ўмовах узмоцненага рэжыму.
Прысуд не ўступіў у законную сілу і можа быць абскарджаны або апратэставаны.
«Вясна» паведамляе, што размова ідзе пра 31-гадовага Чэслава Канановіча.
Цяпер чытаюць
Што вядома пра затрыманых радыёаматараў, якім пагражае аж да расстрэлу15
Каментары