WSJ «вельмі любіць займацца прадукаваннем pulp fiction», заявіў Дзмітрый Пяскоў. У Радзе бяспекі Расіі назвалі артыкул «адкрытым фэйкам».
Матэрыял The Wall Street Journal пра тое, што сакратар Рады бяспекі Расіі Мікалай Патрушаў датычны да гібелі заснавальніка ПВК «Вагнер» Яўгена Прыгожына, з'яўляецца pulp fiction (бульварным чытвом), заявіў журналістам прэс-сакратар прэзідэнта Дзмітрый Пяскоў, піша РБК.
«Гэта, ведаеце, такі працяг… у апошні час, на жаль, Wall Street Journal вельмі любіць займацца прадукаваннем pulp fiction», — заявіў прэс-сакратар прэзідэнта Расіі.
WSJ раней напісала са спасылкай на крыніцы ў заходніх спецслужбах пра «аперацыю ліквідацыі Прыгожына», да якой датычны Патрушаў. У апараце Рады бяспекі Расіі заявілі РБК, што не каментуюць адкрытыя фэйкі.
У Крамлі раней адзначалі, што вакол катастрофы самалёта Прыгожына шмат спекуляцый, а версія Захаду аб дачыненні Крамля да здарэння з'яўляецца хлуснёй.
Бізнэс-джэт Прыгожына Embraer-135 (EBM-135bj) разбіўся ў Цвярской вобласці 23 жніўня — праз роўна два месяцы пасля спробы бунту ПВК «Вагнер». Самалёт ляцеў з Масквы ў Санкт-Пецярбург, усяго на яго борце знаходзіліся дзесяць чалавек, ніхто не выжыў. Сярод іх былі Прыгожын і камандзір ПВК «Вагнер» Дзмітрый Уткін.
Уладзімір Пуцін у кастрычніку распавёў, што, са слоў кіраўніка СК Аляксандра Бастрыкіна, вонкавага ўздзеяння на бізнэс-джэт Прыгожына не было, у целах загінулых знайшлі аскепкі гранаты. У Крамлі восенню казалі, што канчатковага дакладу пра абставіны крушэння самалёта Прыгожына няма, следства яшчэ не скончана.
Памятаеце Пятрушу, які выдзіраў драты «дыджэям Перамен»? Яго перавялі ў трэцюю лігу чыноўнікаў пасля месяцаў беспрацоўя7
Памятаеце Пятрушу, які выдзіраў драты «дыджэям Перамен»? Яго перавялі ў трэцюю лігу чыноўнікаў пасля месяцаў беспрацоўя
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек44
Каментары
https://dck8xvlq18iei.cloudfront.net/ru/332742