Зянон Пазняк — пра Юлію Навальную: Кухарка-2, у манерах мадам пішчыць ФСБ
Лідар руху «Вольная Беларусь» Зянон Пазняк некалькі дзён не рэагаваў на смерць у турме аднаго з лідараў расійскай апазіцыі Аляксея Навальнага, але 20 лютага надрукаваў тэкст на гэту тэму, які, праўда, не столькі пра нябожчыка, колькі пра ягоную ўдаву. Атрымалася як заўсёды вельмі крытычна і бескампрамісна.
«Дружба і дачыненні паміж імперцамі звычайна заканчваюцца забойствамі. Трагладзіты пажыраюць адзін аднаго. Гэта правіла. Асабліва калі трагладзіты счэпяцца ў спэцслужбах. Тут вам і Скрыпаль, і Літвіненка, і Прыгожын, і Навальны. Гэты апошні, які трапіў пад «зачыстку» — быў імперац і ненавіснік беларушчыны, які пераплюнуў бы Пуціна, калі б хто яго падняў на гару», — адразу расстаўляе Пазняк кропкі над «і».
Паводле меркавання ветэрана беларускай палітыкі, рэальны ўплыў Навальнага на расійскую палітыку «быў роўны нулю», а забілі яго толькі дзеля таго, «каб з ніадкуль не ўзнікалі кухаркі».
Далей пад бязлітасную крытыку патрапіла ўдава загінулага палітыка — Юлія Навальная:
«І тут, як у Шэкспіра, — «яшчэ цела не астыць паспела…», як з'явілася мадам Навальная (трэба яе бачыць), пакуль што без партрэта пад пахай і аб'явіла: ка мне, кто са мной — прадолжім дело Навального. Я продолжу его барьбу… (Якую «барбу»)».
Адносна спробаў Юліі Навальнай працягваць справу мужа Пазняк не хавае іроніі:
«Словам, калі казаць коратка пра раша-вадэвіль з трупамі, то мадам рызыкуе. Месца ўжо занятае. Ды і ў Эўразвязу бюджэт не гумовы. Хаця стандарты дазваляюць і паўторы, і рэплікі, і за словы плаціць. Працягвайце барбу, спадары імперцы. Нет вайне! Пуцін, верні мужа (можно деньгамі)! Такая камедыя на сцэне ў імперцаў».
Тым не менш, сітуацыя ўсё ж стварае пэўную небяспеку, калі «прыглядзецца ўважліва, улічыць абставіны вайны і засведчыць занепакоенасць магчымай перспектывай гэтай асобы ў зашораным лібер-свеце Еўропы». Тым больш што «прысутнасць канторы ў гэтым праекце бачна няўзброеным вокам. Гэтак жа як і ў манерах «мадам» пішчыць ФСБ (уплыў асяроддзя)».
«Калі гэта сапраўды праект «кухарка-2», і калі яго праштурхнуць ліберальнай Еўропе, то можна будзе павіншаваць усялякіх гаспод Каспаравых і іншых «харошых рускіх» за мяжой с пріобретеніем. О чём сожалелі, о чём мечталі, то і получілі. Магчыма раскрыецца нават тое — навошта раптам знішчылі агента Навальнага», — робіць з усяго гэтага выснову Зянон Пазняк.
Чытайце таксама:
Балкунец і Усаў расказалі расійскаму СМІ пра абсалютны правал Ціханоўскай па ўсіх франтах
Цяпер чытаюць
Мсціслаў Мекта: яшчэ адзін рэцыдывіст рвецца ва ўладу, прыкінуўшыся спецназаўцам-ябацькам15
Каментары